प्राधिकरणको वार्षिकोत्सवमा प्रधानमन्त्रीले भने- ‘कतिपयले लोडसेडिङ अन्त्य भए खुलामञ्चमा आत्महत्या गर्छु समेत भने’
विद्युत आन्तरिक खपत प्राथमिकतामा
नेपालबहस संवाददाता
भदौ १, २०८० शुक्रबार १२:३:५२
१ भदौ, काठमाडौं । प्रधानमन्त्री प्रचण्डले मुलुकमा लोडसेडिङको अन्त्य हुनुमा नेपाल विद्युत प्राधिरकणले सक्षम नेतृत्व पाउनु नै प्रमुख कारण रहेको बताएका छन् ।
विद्युत प्राधिकरणको ३८औं वार्षिकोत्सव समारोहलाई प्रमुख अतिथिको रुपमा बोल्दै प्रधानमन्त्री प्रचण्डले २०७३ मा दैनिक १८ घण्टासम्म लोडसेडिङ रहेको र त्यसलाई अन्त्य गर्न कुलमान घिसिङको कुशल र इमान्दारी मेहनतका कारण संभव भएको बताए ।
प्राधिकरण सरकारले देशभित्र आफ्नै लगानीमा ठूला (मेगा) विद्युत आयोजना निर्माण गर्न सक्दो मेहनत गरिरहेको बताए । विद्युत उत्पादन, व्यापार र निर्यातका लागि आवश्यक कानून बनाउन सरकार कटिवद्ध रहेको उनले बताए ।
उनले आफू दोस्रो पटक प्रधानमन्त्री हुँदा (२०७३)मा मुलुकमा ४० प्रतिशत नागरिक बिजुलीबाट वञ्चित रहेको र पहुँच पुगेकाहरु पनि दैनिक १८ घण्टासम्म अन्तर खेप्नु परेको पीडा आज हटेको देख्दा प्राधिकरणप्रति आभार रहेको बताए ।
उनले भने, ‘त्यो बेला कतिपयले लोडसेडिङ अन्त्य भएमा खुलामञ्चमा आत्महत्या गर्छु भन्ने मान्छे समेत देखिए । तर तिनलाई मर्न नदिई मुलुकबाट लोडसेडिङ अन्त्य भयो । यसमा प्राधिकरण नेतृत्व र सिंगो टिमलाई धन्यवाद दिन चाहन्छु ।’लोडसेडिङ अन्त्य गर्ने कुरालाई केही समूहले मजाकमा उडाएकाे समेत उनले स्मरण गरे ।
उनले सरकारकै पहलमा कर्णाली चिसापानी जस्तो १० मेगावाट क्षमताकाे बिजुली उत्पादन गर्ने आयाेजनाका लागि आवश्यक प्रक्रिया सुरु भइसकेको जानकारी दिए । आफू विद्युत क्षेत्रमा मेगा आयोजना बनाउने र हजारौं मेगावाट बिजुली विदेशमा बिक्री गरेर मुलुकको व्यापार घाटा कम गर्ने योजनासाथ अगाडि बढिरहेको बताए ।
बिजुली उत्पादनमा सरकार कटिवद्ध रहेको र यसमा प्राधिकरण आफ्नो काममा निर्भिक भएर अगाडि बढ्न पनि उनले निर्देशन दिए ।
उनले केही समयपहिले भएको भारत भ्रमणका क्रममा समकक्षी नरेन्द्र मोदीसँग वार्षिक १ अजार मेगावाट बिजुली निर्यात गर्ने सम्झौता नेपाली बिजुली बजारका लागि कोशे ढुंगो भएको र बिजुली निर्यातबारे सम्बन्धित विभागीय स्तरमा सम्झौता हुने क्रम चलिरहेको बताए । बिजुली खपत मुख्य रुपमा आन्तरिक हुने, त्यसपछि मात्र निर्यात गरिने उनले स्पष्ट पारे ।
अहिले त्यो कुरा सम्झिँदा अचम्म लागेर आउने उनको भनाइ थियो । प्रचण्ड तत्कालीन प्रधानमन्त्री हुँदा उनका पार्टी जनार्दन शर्मा उर्जामन्त्री थिए । मन्त्री शर्माले कुलमानलाई प्राधिकरणको कार्यकारी निर्देशक बनाएकै वर्ष तिहारबाट काठमाडौं उपत्यकामा लोडसेडिङ हटाएर लोडेसेडिङ अन्त्य गरेका हुन् । कुलमानले आज सार्वजनिक गरेको प्रतिवेदन अनुसार मुलुकका ९८ प्रतिशत नागरिकमा बिजुली पुगेको उल्लेख गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसिँचाइ आयोजनाले किसानलाई गोठ सुधारमा सघाउँदै
जेठ ५, २०८१ शनिबार
बिहिबारदेखि काठमाडौंका यी क्षेत्रमा ६ घण्टा विद्युत अवरुद्ध हुने
जेठ २, २०८१ बुधबार
बागलुङको नर्जाखानीमा प्रसारण लाइन नपुग्दा गाउँ अन्धकारमा
बैशाख ३१, २०८१ सोमबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
शनिबार शनिदेवको प्रिय दिन, आज शनि महाराजले कसलाई लाभ-हानी दिन्छन् ?
जेठ ५, २०८१ शनिबार
ठमेलमा खाना तथा हस्तकला मेला
जेठ ५, २०८१ शनिबार
स्टार्टअपलाई १० वर्ष आयकर छुट, सहज ब्याजदरको कर्जा सुविधा
जेठ ५, २०८१ शनिबार
चोरीमा संलग्न रहेको अभियोगमा ६ जना पक्राउ
जेठ ५, २०८१ शनिबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
बाँकेको जमुनाहा नाका आज रातिबाट बन्द हुँदै
जेठ ५, २०८१ शनिबार
उमेर नपुग्दै गर्भपतनले स्वास्थ्य समस्या बढ्दै
जेठ ५, २०८१ शनिबार