ओरियन्टल इन्स्योरेन्सको नाफा ३७.५९ प्रतिशतले बढ्यो

६ भदौ, काठमाडौं । ओरियन्टल इन्स्योरेन्सले गत आर्थिक वर्षको चौथो त्रैमासमा ४० करोड १ लाख रूपैयाँ नाफा कमाएको छ ।

खुद नाफा अघिल्लो वर्षको भन्दा ३७.५९ प्रतिशतले धेरै हो । अघिल्लो वर्ष यस इन्स्योरेन्सले २९ करोड ८ लाख रूपैयाँ खुद नाफा आर्जन गरेको थियो । यसको बिमा कोषको आकार पनि १ अर्ब १५ करोड रुपैयाँबाट बढेर १ अर्ब ३५ करोड रूपैयाँ पुगेको छ । कम्पनीको खुद बिमा शुल्क आर्जन पनि ७.५४ प्रतिशतले बढ्न पुगेको छ । 

अघिल्लो वर्ष ९० करोड ५६ लाख रूपैयाँ खुद बिमा शुल्क आर्जन गरेको कम्पनीको यो त्रैमासमा बढेर ९७ करोड ४९ लाख रूपैयाँमा झरेको छ । यता, कम्पनीको खुद दाबी भुक्तानी पनि ५७ करोड ६२ लाख रुपैयाँबाट बढेर ५८ करोड ३३ लाख रूपैयाँ कायम भएको छ । हाल ओरियन्टलको जगेडा कोषमा ५१ करोड ७६ लाख रूपैयाँ रहेको छ ।