गौरा पर्व विदेशसम्म फैलिएको छ : सभापति देउवा

७ भदौ, काठमाडौ । नेपाली कांग्रेसका सभापति शेरबहादुर देउवाले सुदूरपश्चिम र कर्णाली प्रदेशको देउडा र गौरा पर्व र संस्कृति विदेशसम्म फैलिएको बताएका छन् । 

गौरा पर्वको अवसरमा काठमाडौंको टुँडिखेलमा आज आयोजित कार्यक्रममा सभापति देउवाले गौरा पर्व क्षेत्रीय मात्र नभई राष्ट्रिय पर्व भएको बताए । गौरा पर्वलाई राष्ट्रिय पर्वका रुपमा मनाउने घोषणा गर्न आफूले पहल गर्ने उनको भनाइ थियो । 

‘देउडा नृत्य र गौरा पर्व अहिले सुदूरपश्चिममा मात्रै होइन, कर्णाली र नेपालका साथै भारतको उत्तराखण्डमा समेत फैलिएको छ । सबैतिर गौरा पूजा गरेर पर्व मनाउने चलन बसेको छड पूर्वप्रधानमन्त्री समेत रहेका देउवा भने, ‘हामीकहाँ चर्चित देउडा नृत्य पनि उत्तराखण्डसम्म फैलिएको छ । यसकारण देउडा र गौरा पर्व देशमामात्रै होइन, विदेशसम्म पनि फैलिएको छ ।’

कार्यक्रममा प्रधानमन्त्री प्रचण्ड र देउवा हात बाँधेर गौरा नाच नाचेका थिए । कार्यक्रमका प्रमुख अतिथि प्रधानमन्त्री प्रचण्डले आगामी वर्षदेखि गौरालाई राष्ट्रिय पर्वको रुपमा मनाउने र सार्वजनिक बिदा दिने घोषणा गरेका थिए ।

यो पनि पढ्नुहोस