मुख्यमन्त्रीका लागि २७ रोपनी १२ आनामा बनेका सात वटा महलको रङरोगन र सजावटमा मात्र २० करोड खर्च
नेपालबहस संवाददाता
भदौ ११, २०८० सोमबार १३:२४:३४
११ भदौ, काठमाडौं । संघीय सरकारले प्रदेशलाई जनमूखी र व्यवस्थित बनाउन नसकेपनि मुख्यमन्त्रीका लागि आलिशान महलको व्यवस्था गरिदिएको छ । सातै प्रदेशका मुख्यमन्त्रीका लागि निवास बनाइएको हो । अबदेखि काठमाडौंमा बसेर मुख्यमन्त्रीहरुले प्रदेशको कामकाज चलाउने छन् । उनीहरुको परिवारसहित आउने पाउनका लागि पनि उचित बन्दोबस्तीको व्यवस्था मिलाइएको छ ।
संघ र प्रदेशका विशिष्टलाई उपस्थित गराएर प्रधानमन्त्री पुष्पकमल दाहाल प्रचण्डले आइतबार यसको उदघाटन गरेका थिए । प्रचण्डले भवनको उद्घाटन गर्दै यो सरकारको काम नै भ्रष्टाचार नियन्त्रण र जनतालाई सुशासन दिनु रहेको बताए । तर, उनी यी सात महलको उद्घाटन गरेर सिंहदरवार नपुग्दै यसको विरोध सुरु भएको छ । जनताका कामको सिन्कोसम्म नभाचेका मुख्यमन्त्रीलाई बस्नका लागि भने आलिशान महल दिएको भन्दै यतिबेला सरकारको सवत्र आलोचना सुरु भएको छ ।
यतिबेला सबै प्रदेशको अवस्था दयनीय छ । सरकार बनाउने र मन्त्रिपरिषदलाई पुर्णता दिन भन्दा अरु कास काम भएका छैनन् । राजनीतिक खिचातानीले विकास निर्माणका काम ठप्प रहेका बेला मुख्यमन्त्री र मन्त्रीहरुको सुविधा भने थपिएको थपिएकै छ । यसै पनि प्रदेश सरकारप्रति प्रश्न उठिरहेकै थिए । अब झन अलोचना बढेको छ । प्रदेश सरकारले सेवा दिन नसकेकाले पछिल्लो समय प्रदेश कायम राख्ने कि नराख्ने भन्ने बहस चलिरहेका बेला यस्ता सुविधा युक्त भवन मुख्यमन्त्रीका लागि बनाइदा जनतामा राम्रो सन्देश भने गएको छैन् ।
ललितपुरको भैंसेपाटीमा बनाइएका यी भवनहरु आइतबार हस्तान्तरण गरिएका छन् । यी सवै सरकारी खर्चमा बनाइएका हुन् । यसको कुल लागत कति लाग्यो भन्ने नखुले पनि भवनमा रङरोगन र आन्तरिक सजावट गर्न मात्र २० करोड रूपैयाँ खर्च भएको छ । केसी समानान्तर कम्पनीसँग सम्झौता हुँदा २ वर्षभित्र निर्माणको सबै काम सक्ने भनिएको थियो । तर, दुई वर्ष समय थपेर विशेष भवन निर्माण सकिएको हो । आयोजना प्रमुख मच्चाकाजी महर्जनका अनुसार २७ रोपनी १२ आनामा मुख्यमन्त्री तथा सम्पर्क कार्यालयका सातवटा भवन र १४ वटा ब्लक (युनिट) यसमा छन् ।
सहरी विकास मन्त्रालयका अनुसार प्रदेश प्रमुख तथा मुख्यमन्त्रीहरूलाई काठमाडौं आएका बेला बस्न र सम्पर्क गर्न भवन बनाइएको हो । प्रधानमन्त्री प्रचण्डले प्रदेश प्रमुख र मुख्यमन्त्रीलाई सम्पर्क कार्यालय भवनको साँचो छुट्टाछुट्टै हस्तान्तरण गरेका थिए । संघीय सरकारले चार वर्ष लगाएर भैंसेपाटीमा प्रदेश प्रमुख र मुख्यमन्त्रीहरूका लागि सम्पर्क कार्यालय बनाएको हो ।
तत्कालीन प्रधानमन्त्री केपी शर्मा ओलीले २०७६ असोज १३ गते मुख्यमन्त्री तथा सम्पर्क कार्यालय भवनको शिलान्यास गरेका थिए । प्रदेश प्रमुख र मुख्यमन्त्रीको सम्पर्क कार्यालय निर्माण गर्न ८५ करोड खर्च भएको बताइएको छ । अब मुख्यमन्त्री र प्रदेश प्रमुख काठमाडौं आउँदा बस्न अपार्मेन्ट भाडामा लिनुपर्ने छैन । अहिलेसम्म मुख्यमन्त्री र प्रदेश प्रमुख काठमाडौं आउँदा ललितपुरको डाउनटाउन अपार्मेन्टका भाडाका भवनमा बस्दै आएका थिए । यसका लागि संघीय सचिवालय निर्माण तथा व्यवस्थापन कार्यालयले अपार्मेन्टका १४ वटा भवन भाडामा लिएको थियो । प्रत्येक भवनका लागि सरकारले मासिक मासिक ५१ हजार रूपैयाँ भाडा तिर्दै आएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजेट अभावमा जनजाति सङ्ग्रहालय अधुरै
जेठ ३, २०८१ बिहिबार
फल्चा शैलीमा निर्माण गरिएको बस बिसौनी आजदेखि सञ्चालनमा
जेठ १, २०८१ मंगलबार
स्थानीयको एजेण्डा बन्यो पाथीभरामा केबलकार
बैशाख ३०, २०८१ आइतबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
सुनको मूल्यमा गिरावट, तोलाको कति ?
नेपालबहस संवाददाता
जेठ ४, २०८१ शुक्रबार
शनिबार शनिदेवको प्रिय दिन, आज शनि महाराजले कसलाई लाभ-हानी दिन्छन् ?
जेठ ५, २०८१ शनिबार
भारतको राष्ट्रिय क्रिकेट टिमको नयाँ प्रशिक्षकमा गौतम गम्भीरको सम्भावना कति ?
जेठ ५, २०८१ शनिबार
मालिक रिसाउनुमा यी ग्रहको भूमिका, जान्नुहोस् हाकिमको स्वभाव
जेठ ४, २०८१ शुक्रबार
प्रधानमन्त्रीले राष्ट्रिय राजनीतिमा तमासा देखाउनु भोः नेपाल
जेठ ५, २०८१ शनिबार
गर्मीमा खानुहोस् यी फलफूल, पेट र दिमाग दुवै चिसो हुनेछ
जेठ ५, २०८१ शनिबार
सुबोध आचार्य एक दक्ष सर्प उद्धारकर्ता ( फाेटाे फिचर )
जेठ ५, २०८१ शनिबार