नेपाल एयरलाइन्सले भैरहवाबाट काठमाडौं ट्रान्जिट उडानमा यात्रु पाएन

१२ भदौ, काठमाडौं । त्रिभुवन अन्तर्राष्ट्रिय विमानस्थललाई ट्रान्जिट बनाएर भैरहवाको गौतमबुद्ध अन्तर्राष्ट्रिय विमानस्थलबाट नेपाल एयरलाइन्सले भारतको दिल्ली र हङकङका लागि उडान गरेको छ ।

मंगलबार बिहान सवा ८ बजे भैरहवाबाट उडान गरेर काठमाडौं त्रिभुवन अन्तर्राष्ट्रिय विमानस्थल हुँदै गत्नव्यतर्फ उडेको हो । उडानका लागि सोमबार नै टिकट खुला गरेपछि दिल्ली र हङकङ जाने कुनैपनि यात्रु पाउन नसकेको एयलाइन्सले जनाएको छ ।

भएकोले मंगलबार काठमाडौं ट्रान्जिट भएर जाने यात्रु नभएको एयरलाइन्सका गौतमबुद्ध अन्तर्राष्ट्रिय विमानस्थल प्रमुख माधव लोहनीले बताए । एयलाइन्सले यही भदौ १९ गते पनि भैरहवाबाट अर्को काठमाडौं ट्रान्जिट उडान गर्दैछ ।

काठमाडौं ट्रान्जिट हुँदै हङकङको लागि इकोनमी तर्फको भाडा दर ५१ हजार ५ सय ५१ तोकिएको जनाइएको छ । हङकङका लागि ५३ हजार ५५१ रुपैयाँ भाडा दर तोकिएको छ । भैरहवाबाट काठमाडौं जाँदा थप २ हजार शुल्क लाग्ने एयलाइन्सले जनाएको छ ।

भैरहवा विमानस्थल बनेको दुई वर्ष बितिसक्दा पनि यात्रुको अभावमा अन्तर्राष्ट्रिय उडान भर्न विमान कम्पनीहरु तयार नभएपछि विमानस्थल सेतो हात्ती बनेको टिप्पणी व्यापक बन्न थालेपछि सरकार स्वामित्वको नेवानिले काठमाडौं हुँदै पहिलोपल्ट हङकङ र भारतको नयाँ दिल्लीका लागि व्यवसायिक उडान सुरु गरेको हो ।