कैदीबन्दी कमल बस्नेतको मृत्युकाे कारण यकिन गर्न भिसेरा परीक्षण गरिने

१५ भदौ, काठमाडौं । भक्तपुरको सानो ठिमीस्थित बाल सुधार गृहमा मृत भेटिएका रामेछापका कैदीबन्दी १८ वर्षीय कमल बस्नेतको भिसेरा परीक्षण गरिने भएको छ । 

मृत्युको कारण पत्ता लगाउन भिसेरा परीक्षण गर्न विधिविज्ञान प्रयोशालामा नमूना पठाइएको भक्तपुरका डिएसपी बसन्त पाठकले जानकारी दिएका छन् । ज्वरोले च्यापिएका बस्नेतको यही भदौ २ मा उपचारका क्रममा मुत्यस भएको थियो । मुत्यु गृहको चरम लापरवाहीले भएको भन्दै घटनाको निष्पक्ष छानबिन हुनुपर्ने, दोषीलाई कारवाही र परिवारलाई उचित क्षतिपूर्तिको माग गर्दै ३ गते आफन्त र परिवारका सदस्यले गृह परिसरमा प्रदर्शन गरेका थिए । तर पछि किरिया खर्चका लागि २ लाख  रुपैयाँ दिने कुरामा सहमति जुटेपछि ४ दिन पहिले बस्नेतको शव अन्त्येष्टी गरिएको थियो । 

प्रदर्शनका क्रममा गृहभित्र रहेका २५६ जना कैदीबन्दी मूल ढोका फोडेर भागेका थिए । तिमध्ये २ जना पक्राउ पर्न सकेका छैनन् । उनीहरुले रासनपानी वितरण र उपचारमा आफूलाई विभेद गरेको भन्दै कैदीहरुले प्रदर्शन गरेका थिए । 

फरारपछि पक्राउ गरिएकामध्ये १८ वर्ष उमेर पार गरेका ५७ जनालाई उपत्ष्काबाहिरका सुधार गृहमा पठाइएको छ । जुनसुकै अपराध कसुरमा सजाय पाएका १८ वर्ष पूरा हुन बाँकी रहेकालाई जेलकाे सट्टा सुधार गृहमा राख्नुपर्ने कानूनी व्यवस्था छ ।