ललितानिवास जग्गा हिनामिनाका १७ प्रतिवादीकाे बयान सकियाे, आइतबारदेखि थुनछेक बहस

१५ भदौ, काठमाडौं । बालुवाटार स्थित सरकारी स्वामित्वको  ललितानिवासको जग्गा हिनामिनामा संलग्न १७ जना प्रतिवादीहरुको बयान सकिएको छ । न्यायाधीश भोलानाथ ढकालको इजलासमा शुक्रबारसम्मका १७ जना प्रतिवादीले बयान दिएका हुन् ।आइतबारदेखि थुनछेक बहस हुनेछ । 

प्रतिवादीहरुलाई सीआईबीले कीर्ते र संगठित अपराध कसुरमा ६० दिन हिरासतमा राखेर अनुसन्धान गरे पनि जिल्ला सरकारी वकिलको कार्यालय काठमाडौंले कीर्ते कसुरमा मात्र मुद्दा चलाएको छ । 

ललितानिवासको १४३ रोपनी ६ आना ३ पैसा ३ दाम जग्गा तत्कालीन मन्त्री, सचिव मालपोत कर्मचारीसँग मिलेर माफियाले व्यक्तिको नाममा पारेको पाइएपछि भाटभटेनी सुपर मार्केटका मालिक मीनबहादुर गुरुङ लगायत पक्राउ परेका छन । मुद्दामा २१ जनालाई प्रतिवादी बनाए पनि बाँकी  फरार छन् ।