ललितानिवास जग्गा प्रकरण मुद्दामा सरकारी वकिलको बहस जारी

१७ भदौ, काठमाडौं । प्रधानमन्त्रीको सरकारी निवास बालुवाटारस्थित सरकारी स्वामित्वको ललितानिवास जग्गा हिनामिना मुद्दामा काठमाडौं जिल्ला अदालतमा सरकारी वकिलको तर्फबाट बहस जारी छ । 

मुद्दामा भाटभटेनी सुपरमार्केटका संचालक मिनबहादुर गुरुङ, पूर्व सचिव, सहसचिव लगाउन १८ विरुद्ध सरकारको तर्फबाट न्यायाधीश भोलानाथ ढकालको इजलासमा बहस भइरहेको हो । शुक्रबार अदालतमा प्रतिवादीहरुको बयान सकिएपछि आजबाट थुनछेक बहस सुरु भएको हो । 

सरकारको तर्फबाट बहस सकिएपछि प्रतिवादीको तर्फका वकिलले बहस सुरु गर्नेछन् । त्यसपछि सरकारी वकिलले जवाफी बहस गर्नेछन् । दुवै पक्षको बहस सकिएपछि पक्राउ परेकाहरूलाई थुनामा राख्ने किन धरौटीमा छोड्ने आदेश हुनेछ । 

ललितानिवासको १४३ रोपनी सरकारी जग्गा विभिन्न समयमा नक्कली कागजात पेश गरेर तत्कालीन सचिव, सहसचिव, शाखा अधिकृत, मालपोतका कर्मचारी, नापी विभागका कर्मचारीसँग मिलेर गुरुङ लगायत विभिन्न व्यक्तिले आफ्नो नाममा पास गराएको खुलेपछि सीआईबीले अभियुक्तहरूलाई गएको असारमा पक्राउ गरी अनुसन्धान गरेको थियो । जग्गा प्रकरणमा ३१२ जना प्रतिवादीविरुद्ध मुद्दा दायर भएको छ । उनीहरूमाथि सरकारी छाप दस्तखत किर्ते सम्बन्धी कसुरमा मुद्दा चलाइएको छ ।  अन्य फरार रहेका छन् ।