सुनको भाउ तोलामा ३ सयले घट्यो, कतिमा हुँदै छ कारोबार ?

१९ भदौ, काठमाडौं । आज (मङ्गलबार) नेपाली बजारमा सुनचाँदीको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार सोमबारको तुलनामा मङ्गलबार सुनको मूल्यमा गिरावट आएको हो ।

सोमबार प्रतितोला १ लाख १३ हजार रूपैयाँमा कारोबार भएको छापावाल सुनको भाउ मङ्गलबार घटेर १ लाख १२ हजार ७ सय रूपैयाँमा झरेको छ भने सोमबार १ लाख १२ हजार ४ सय ५० रूपैयाँ पर्ने तेजावी सुनको भाउ घटेर १ लाख १२ हजार १ सय ५० रूपैयाँमा झरेको छ । 

यता, चाँदीको भाउ समेत प्रतितोला २० रूपैयाँले घटेको महासङ्घले जनाएको छ । सोमबार प्रतितोला १ हजार ४ सय ६५ रूपैयाँ पर्ने चाँदीलाई आज १ हजार ४ सय ४५ रूपैयाँ पर्नेछ ।