प्राधिकरणले बनाएका देशभरका चार्जिङ स्टेशन एकैसाथ उद्घाटन

२० भदौ, काठमाडौं । नेपाल विद्युत प्राधिकरणद्वारा निर्मित देशभरका ५१ वटा चार्जिङ स्टेसन उद्घाटन भएको छ । ऊर्जा, जलस्रोत तथा सिञ्चाई मन्त्री शक्तिबहादुर बस्नेतले उद्घाटन गरे आज नेपाल पुलिस क्लबमा बनेको चार्जिङ स्टेसन उद्घाटन गर्दै एकसाथ देशभरका चार्जिङ स्टेशन उद्घाटन गरेका हुन् । 

प्राधिकरणले करिब ३ वर्षअघि देशभर एकसाथ ५१ वटा चार्जिङ स्टेसन निर्माण गर्ने घोषणा गरेको थियो । सोही अनुरुप विभिन्न स्थानमा चार्जिङ स्टेसन बनाए उद्घाटन गरिएको हो । 

प्राधिकरणले देशभित्र बिजुली उत्पादन राम्रो गतिमा भइरहेको र आन्तरिक खपतमा जोड दिनुपर्ने नीतिअनुरुप बिद्युतीय सवारी साधन खरिदमा प्रोत्साहनस्वरुप स्टेसनहरु बनाइएको हो । पछिल्लो समयमा विद्युतीय सवारीको संख्या बढेसँगै काठमाडाैं उपत्यका, पहाडी र तराइका जिल्लाहरूका राजमार्गमा चार्जिङ स्टेसन निर्माण कार्य पनि बढेको छ । 

प्राधिकरणका अनुसार हाल प्राधिकरण र निजी क्षेत्रबाट गरी देशभर २३० हाराहारी स्थानमा चार्जिङ स्टेशन बनिसकेका छन् । यो क्रम बढ्ने जनाइएको छ । स्टेसनमा कुनैपनि प्रकारका सवारी एक घण्टाको चार्जले गर्दा १२० देखि १८० किमि दूरीसम्म चालउन पुग्ने जनाइएको छ ।

सञ्चालनमा आएका चार्जिङ स्टेसन र स्थानहरू :