सन्दीपको मुद्दामा अर्को सुनुवाइ भदौ २६ गते

२१ भदौ, काठमाडौं । क्रिकेटर सन्दीप लामिछानेविरुछको बलात्कार सम्बन्धी मुद्दामा अर्को सुनवाइ यही भदौ २६ गते हुने भएको छ । अन्तिम सनुवाइका लागि आज काठमाडौं जिल्ला अदालतमा न्यायाधीश सकुन्तला कार्कीको इजालासमा भएको सुनुवाइ अधुरो भएपनि अर्को पटक सुनुवाइ हुने भएको हो । 

आज लामिछाने पक्षका वकिलहरुले पीडित (जाहेरीकर्ता) गौशाला २६ को जन्मदर्ता र बसाइसराइका थप अभिलेख मगाउनुपर्ने जिकिर गरेपछि न्यायाधीश कार्कीले पीडितको जन्म दर्ता र बसाई सराइसम्बन्धी कागजात झिकाउने आदेश दिएकी छन् । 

कागजात झिकाउने अादेशसँगै अर्काे सुनुवाइ गर्न भदौ २६ का लागि पेसी तोकिएको हो । वकिलहरुले यसअघि पनि पीडित र उनकी आमाको उमेर ९ वर्ष मात्र फरक पाइएको भन्दै आमाको जन्म दर्ताको कागजात मगाउन लगाएका थिए । सोही कारण साउन ३२ मा हुने भनिएको अन्तिम सुनुवाई आजका लागि सरेको थियो । लामिछानेका वकिलहरुले पीडित नाबालिग नरहेको जिकिर गर्दै आइरहेका छन् ।