ललितानिवास जग्गा प्रकरणः ८ जना प्रतिवादीको तर्फबाट सकियो बहस

२१ भदौ, काठमाडौं । बालुवाटारस्थित सरकारी स्वामित्वको ‘ललिता निवासको जग्गा हिनामिना प्रकरणमा बिहीबारसम्म ८ जना प्रतिवादीतर्फको बहस सकिएको छ । आज आरोपी मिनबहादुर गुरुङसहित ४ जना प्रतिवादीका कानुन व्यवसायीले बहस गरे ।

यस्तै, जिल्ला अदालत काठमाडौँका न्यायाधीश भोलानाथ ढकालको इजलासमा तत्कालीन नापी सर्वेक्षक घमन कुमार कार्की, डिल्लीबजार मालपोतका खरिदार गोपाल कार्की र समरजंग कम्पनीका सहायक लेखापाल विनोद प्रसाद पौडेलको तर्फबाट बिहीबार बहस भएको थियो ।

 यसअघि शिवजी भट्टराई, रुद्र कुमार श्रेष्ठ, बालकृष्ण श्रेष्ठ र कलाधर देउजा तर्फको बहस भइसकेको छ । प्रकरणमा १८ जना थुनामा छन् । बाँकी प्रतिवादीको बहस शुक्रबारसम्ममा सक्न न्यायाधीश ढकालले भनेको अदालत स्रोतले जनायो । प्रकरणमा पूर्वमन्त्री, सचिव, सहसचिव, उपसचिव, शाखाअधिकृत लगायत ३१० जनालाई प्रतिवादी बनाइएको छ ।