शुक्रबार सुनको भाउ उकालो, कतिमा हुँदै छ कारोबार ?

२२ भदौ, काठमाडौं । साताको अन्तिम कारोबार दिन शुक्रबार सुनको भाउ उकालो लागेको छ। आज सुनको भाउ तोलामा ३०० रूपैयाँले बढेको हो। योसँगै प्रतितोला छापावाल सुन १ लाख १२ हजार ३०० रूपैयाँ र तेजाबी सुन १ लाख ११ हजार ७५० रूपैयाँ कायम भएको नेपाल सुनचाँदी व्यवसायी महासंघले जनाएको छ । 


हिजो सुनको भाउ तोलामा ४०० रूपैयाँले घटेको थियो। यो दिन प्रतितोला छापावाल सुन १ लाख १२ हजार रूपैयाँ र तेजाबी सुन १ लाख ११ हजार ४५० रूपैयाँमा कारोबार भएको थियो। 

आज चाँदीको भाउ तोलामा ५ रूपैयाँले घटेर १ हजार ४०५ रूपैयाँ कायम भएको छ। हिजो पनि तोलामा २० रूपैयाँले घटेर चाँदी १ हजार ४१० रूपैयाँमा किनबेच भएको थियो।