जेल सजाय भाेगिरहेकी एमाले नेतृ खातुनले राखिन् सुत्ने ठाउँ र खानेपानीको माग
नेपालबहस संवाददाता
भदौ २२, २०८० शुक्रबार १६:४१:१२
२२ भदौ, विराटनगर । जिल्ला प्रशासन कार्यालयसँग मोरङ कारागार विराटनरको महिला कक्षमा रहेका महिला कैदीबन्दीहरुले विभिन्न गुनासा र समस्या सुनाएका छन् । शुक्रबार तीजको दर कार्यक्रममा महिला कैदीबन्दीले जेलभित्र भोग्नु परेको समस्या र पीडा पोखेर रुवाबासी नै गरेका छन् ।
कारागारको महिला कक्षमा उच्च अदालत विराटनगर बार एसोसिएशन महिला समितिले कैदीबन्दी महिलासँग राखेको तीजको दर खाने कार्यक्रममा उनीहरुले प्रमुख जिल्ला अधिकारी (सीडीओ) विरेन्द्रकुमार यादवसमक्ष रुँदै पीडा पोखे । यादले समस्या भए राख्न आग्रह गरे लगत्तै कीर्ते र ठगी मुद्दामा थुनामा रहेकी एमालेकी काेशी प्रदेशकी पूर्वसमानुपातिक सांसद गुलेफुन खातुनले सहज रूपमा सुत्न पाउने र शुद्ध खानेपानी व्यवस्था गर्न माग गरिन् । उनले सुत्ने ठाउँमा पानी चुहिने र लुगा धुने पानी समेत अभाव भएको गुनासो सुनाइन् । शुद्ध खानेपानीको व्यवस्था गर्नुपर्ने माग पनि राखिन् ।
खातुन बोलेपछि अन्य महिलाहरुले रुँदै समस्या र पीडा सुनाएका थिए । उनीहरुले उनले हुनेखानेका लागि जेलको बास पनि राम्रो रहेको तर पहुँच नभएका सर्वसाधारण तहका कैदीबन्दीमाथि जेल प्रशासनले खाने, बस्ने, सुत्ने विषयमा पक्षपात गरेको समस्या सुनाए ।
सुत्ने ठाउँ नभएका कारण हिँडने प्यासेजमा समेत पालो गरी सुत्नुपर्ने अवस्था रहेको पीडा सुनाए । बाँच्नकै लागि कारागार गाह्रो भएको उनीहरुको गुनासो थियो । पक्षपात हटाउने पहल गर्न सीडीओसँग यादवसँग अनुरोध गरेका थिए ।
महिला ५० र पुरुष २७५ गरी तीन सय क्षमता रहेको कारागारमा ९४८ पुरुष र ०२ महिला कैदीबन्दी गरी एक हजार ५५ जना कैदीबन्दी छन् । आमा जेल पर्दा पाँच जना नाबालक पनि कारागारमा छन् ।
कैदीबन्दीको समस्या सुनेपछि सीडीओ यादवले समस्या समाधान गर्न आफूले पहल थाल्ने बताए । कारागारका पुरानो भवन जीर्ण भएकाले नयाँ भवन निर्माण भइरहेको र भवन बनेपछि बस्न, सुत्न परेको समस्या समाधान हुने बताए
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपहिलोपटक पटक टिपताला पुगे नेपालतर्फका स्काभेटर र ट्याक्टर
जेठ ४, २०८१ शुक्रबार
कोशीका मुख्यमन्त्री कार्कीले विस्तार गरे मन्त्रिपरिषद, सबैले लिए शपथ
जेठ ४, २०८१ शुक्रबार
हात्ती धपाउन अत्याधुनिक ‘ड्रोन’को प्रयोग
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
ढाका बुनेर आत्मनिर्भर बन्दै तनहुँका उद्यमी
जेठ ५, २०८१ शनिबार
तनहुँको म्याग्दे गाउँपालिका–२ जामुने क्षेत्रमा सडक कालोपत्र
जेठ ५, २०८१ शनिबार
गाजाको जबलियामा ७० भन्दा बढी ठाउमा इजरायलको बमबारी
जेठ ५, २०८१ शनिबार
ताइवानको संसदमा सांसदहरुबीच हानाहान !
जेठ ५, २०८१ शनिबार
प्रधानमन्त्री निवास बालुवाटार प्रमुख दलका शिर्ष नेताहरु छलफलमा जुटे
जेठ ५, २०८१ शनिबार
'कोपिलाका सुगन्ध’ बजारमा
जेठ ५, २०८१ शनिबार