कोेशीमा एमालेबाट को को बन्ने भए मन्त्री ?

२२ भदौ, काठमाडौं । कोशी प्रदेशको मुख्यमन्त्रीमा आजै एमालेका हिक्मतकुमार कार्की नियुक्त हुने निश्चित भएसँगै उनीसँगै शपथग्रहण गराउने गरी एमालेले मन्त्रीहरूको नाम समेत टुंगो लगाएको छ  ।

सर्वोच्च अदालतको बिहीबारको परमादेश अनुसार प्रदेश प्रमुख परशुराम खापुङले प्रदेश सभाको सबभन्दा ठूलो दलको नेता कार्कीलाई संविधानको धारा १६८ (३) अनुसार आज मुख्यमन्त्री नियुक्त गर्दैछन् । कार्कीलाई आजै शपथ खुवाउने तयारी भएको छ । 

कार्कीले आजै सानो आकारको मन्त्रिपरिषद बनाउने र त्यसमा तिलकुमार मेन्याङ्वो, कर्ण राई, सृजना राईलाई मन्त्री नियुक्त गर्ने तयारी गरेका छन् । मन्त्री बन्नेहरूकाे नाम एमालेकाे काेशी प्रदेश कमिटीले दिउँसो गरेकाे हाे ।