सुनको मूल्य तोलामा चार सयले घट्यो, चाँदीको कति ?

२४ भदौ, काठमाडौं । आइतबार नेपाली बजारमा सुनको मूल्य तोलामा ४ सय रूपैयाँले घटेको छ । गत शुक्रबार प्रति तोला १ लाख १२ हजार ३ सय रूपैयाँमा कारोबार भएको छापावाला सुनको मूल्य आज तोलामा ४ सय रूपैयाँले घट्दै १ लाख ११ हजार ९ सय रूपैयाँ कायम भएको हो । 

यस्तै तेजाबी सुनको मूल्य पनि आज तोलामा ४ सय रूपैयाँले नै घट्दै १ लाख ११ हजार ३ सय ५० रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । 

यता चाँदीको मूल्य भने गत शुक्रबारको तुलनामा तोलामा १० रूपैयाँले घट्दै आज १ हजार ३ सय ९५ रूपैयाँमा कारोबार भइरहेको महासंघले जनाएको छ ।