बीवाइडीको ‘डल्फिन’नेपालको सडकमा : कति पर्छ मूल्य ?

२६ भदौ, काठमाडौ । बीवाइडीका लागि नेपालको आधिकारिक बिक्रेता साइमेक्स इंकले बीवाईडी ‘डल्फिन’ नयाँ विद्युतीय गाडी नेपाल भित्र्याएको छ । सोमबार बीवाइडीका ब्रान्ड एम्बास्डर हरिवंश आचार्यले ‘डल्फिन’गाडी सार्वजनिक गरे ।

‘डल्फिन समुद्रमा बस्ने भएपनि बीवाइडीले गाडीका रुपमा नेपालको सडकमा ल्याएको छ,’ उनले भने । ‘विद्युतीय सवारी साधनको प्रयोग बढेको छ यो खुसीको कुरा हो ’ गाडीको मूल्य ३९ लाख ८० हजार रुपैयाँ तोकिएको छ ।

ई–६ मोडलदेखि सुरु भएको बीवाइडीको यात्रा एटो ३ हुँदै ‘डल्फिन’सम्म आइपुगेको हो । गाडीमा ४४.९ किलोवाट आवर (युनिट)को ब्याट्री जडान गरिएको छ । यस्तै ७० किलोवाट क्षमताको मोटर छ । यसमा भएको ब्याट्रीले एक पटकको फुलचार्जमा ३४० किलोमिटर रेन्जप्रदान गर्ने कम्पनीले जनाएको छ ।

यसमा १६ इन्चको अलोय ह्विल र १८५ मिलिमिटरको ग्राउन्ड क्लियरेन्स छ । यस्तै ह्विलबेस २ हजार ७ सय एमएम छ । यो गाडीमा १२.८ इन्चको फ्लोटिङ टचस्क्रिन कन्सोल, ३६० डिग्रीक्यामेरा, इलेक्ट्रिकल्ली एड्जस्ट गर्न मिल्ने सिट, प्यानारोमिक सनरुफ, ५ इन्चको फुल एलसीडी इन्स्ट्रुमेन्टक्लस्टर लगायत फिचर छन् ।

गाडी ४ वटाकलरमा उपलब्ध छ । गाडी मंगलबार आजबाट  काठमाडौंको भृकुटीमण्डपमा सुरु हुने नाडाअटो शोमा देख्न पाइने छ ।