मधेश विश्वविद्यालयमा कानुन संकायको पढाइ मंसिरबाट हुने

७ असोज, काठमाडौं । मधेश विश्वविद्यालयमा कानुन संकायको पढाइ आगामी मंसिरदेखि हुने भएको छ । कानुन संकायतर्फ स्नातकमा एलएलबीमा विद्यार्थीहरूको नाम दर्ता भइरहेको विश्वविद्यालयले जनाएको छ । 

बीए एलएलबीमा भर्ना हुने विद्यार्थीको छनोट प्रवेश परीक्षा (इन्ट्रान्स)माध्यमबाट गरिएको र इन्ट्रान्सबाट छनोट भएका विद्यार्थीको यही असोज १५ गतेसम्म नाम दर्ता हुने विश्वविद्यालयका रजिष्ट्रार विजयकुमार यादवले बताए । हालसम्म ८०÷८५ विद्यार्थीले नाम दर्ता गराइसकेको उनले जानकारी दिए ।

विद्यार्थी छनोटका लागि ८० पूर्णाङ्कको मौखिक र २० पूर्णाङको अन्तर्वार्ता माध्यममा परीक्षा लिइनेछ । विश्वविद्यालयमा अध्ययनका लागि कक्षा १२ वा प्रवीणता प्रमाणपत्र तहको परीक्षामा न्यूनतम ५० प्रतिशत वा सी प्लस अङ्क ल्याएको हुनुपर्ने मापदण्ड तोकिएको छ ।

मधेश विश्वविद्यालयमा कानुनतर्फ ११०, जनप्रशासनतर्फ ५५ वटा सिट निर्धारण गरिएको छ । पठनपाठनका लागि विश्वविद्यालयद्वारा गठित पाठ्यक्रम विकास समिति र काठमाडांैं विश्वविद्यालयको विज्ञ टोलीले तयार पारेको पाठ्यक्रम अध्यापन गराइने छ ।

२०७९ वैशाख १४ मा मधेश प्रदेशसभाद्वारा मधेश विश्वविद्यालय ऐन, २०७९ जारी भएको थियो । विश्वविद्यालयले दैनिक कार्य संचालन वीरगञ्जस्थित नेशनल ट्रेडिङको भवन भाडामा लिएर गर्दै आएको छ ।