तीर्थयात्री बाेकेर पाथीभरा जाँदै गरेको जिप दुर्घटना, दर्जन बढी घाइते

९ असोज, काठमाडौं । ताप्लेजुङको पाथीभरा मन्दिर दर्शनका जाँदै गरेको तीर्थयात्र्री सवार जिप दुर्घटना भएको छ । याङवरक गाउँपालिकाबाट तीर्थयात्री लिएर पाथिभरातर्फ जाँदै गरेको मे १ ज २१८६ नम्बरको जिप मंगलबार बिहान दुर्घटनामा परेको जिल्ला प्रहरी कार्यालय ताप्लेजुङले जनाएको छ । 

दुर्घटनामा १३ जना घाइते भएका छन् । घाइतेमध्ये एक वृद्धको  अवस्था गम्भीर रहेको प्रहरीले जनाएको छ । उनलाई उपचारका लागि झापा पठाइएको छ । अन्यको उपचार जिल्ला अस्पतालमा भइरहेको जनाइएको छ ।