ईःलाई बालेनकाे जवाफः एक हजार व्यक्तिका लागि ५० लाख जना हिँडने फुटपाथमा व्यापार गर्न दिने कुरा आउँदैन
‘खालीजस्तो देखिने ठाउँमा प्रधानमन्त्रीलाई पनि व्यापार गर्ने छुट छैन, नेताहरुले आन्दोलनमा साथ दिनु राजनीतिक बेइमानी’
नेपालबहस संवाददाता
असोज १०, २०८० बुधबार १७:३७:४६
१० असोज, काठमाडौं । काठमाडौं महानगरपालिकाले हटाउँदै आइरहेको फुटपाथ व्यापारीलाई वैकल्पिक व्यवस्था हुनुपर्ने माग गर्दै ९ दिनदेखि पालिकाको कार्यालय अगाडि उभिएर निरन्तर धर्ना दिइरहेका अभियन्ता ईःलाई महानगरका मेयर बालेन साहले खरो जवाफ दिएका छन् । ईःसँगको मंगलबारको वार्ता असफल भएपछि बुधबार सामाजिक संजालमार्फत साहले ७ बुँदे जवाफ दिएका छन् ।
उनले एक हजार जना व्यापारीका लागि ५० लाख मानिस हिँड्ने फुटपाथ (बाटो)मा व्यापार गर्न दिने विषय सही नभएको उल्लेख गर्दै खाली जस्तो देखिने ठाउँमा पनि व्यापार गर्ने अधिकार कसैलाई नभएको स्पष्ट पारेका छन् । उनले महानगरभित्र खाली ठाउँ भए पहिला २ कोठे शौचालय बनाउने काम गरिन्थ्यो भन्ने तर्क गरेका छन् ।
महानगरसँग खाली जग्गा नभएकै कारण कतिपय वडा कार्यालय भाडा तिरेर चलाइरहेको बताएका छन् । उनले गरिबका लागि महानगरले सधैं बोलिदिने गरेको दाबी गर्दै सुकुम्वासीको नाममा सयौं मानिसले राजनीतिक रवाफमा महानगरको जग्गा कब्जा गरिरहेको उनले बताए । उनले ईःले उठाएका माग पूरा गर्ने ठाउँमा आफू नरहेको समेत बताए ।
उनले ईःको अभियानमा साथ दिने नेताहरूसमेत शब्द वाण प्रहार गरेका छन् । ‘जहाँसम्म केपी ओली, बाबुराम भट्टराई, कमल थापा, गगन थापा , स्वर्णिम वाग्ले लगायतको उपस्थिति र जायज मागहरु पुरा गर्नु पर्ने भन्ने तर्क छ, त्यसमा हामी राजनीतिक बेइमानी देख्छौं’ उनले लेखेका छन् । एमाले अध्यक्ष केपी शर्मा ओलीले मंगलबार मात्र सार्वजनिक मञ्चबाट फुटपाथ नेवारी व्यापारीकाे अंश भएकाे बताएका थिए ।
उनले महानगरभित्र खाली जस्तो देखिने ठाउँमा मेयरले मात्र नभई प्रधानमन्त्रीले समेत व्यक्तिगत व्यापार गर्न छुट नभएको बताएका छन् । महानगरले कानुनको अधिनमा रहेर गरिने कुनैपनि काममा अवरोध नगर्न समेत उनले चेतावनी दिएका छन् । ‘कृपया, आन्दोलन बन्द गरेर नियम कानुनको पालना गर्नु र गराउन भनिदिनु होला । हामीले कानुनको पालना गर्दा वा गराउँदा अवरोध नगरिदिनु होला’ फेसकुमा लेखेका छन् ।
राष्ट्रिय मानवअधिकार आयोगले बुधबार मात्रै एक प्रेस विज्ञप्ति जारी गरेर अभियन्ता ईःको स्वास्थ्य अवस्था ख्याल गर्न र माग सम्बोधन गर्ने विचार गर्न महानगरसँग आग्रह गरेको थियो । सोको केही समयपछि नै शाहले सबै पक्षलाई जवाफ दिएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप'कान्स फिल्म फेस्टिभल'मा सहभागी हुन बालेन फ्रान्स प्रस्थान
जेठ १, २०८१ मंगलबार
नारायणी नदी व्यवस्थापनका लागि नवलपुर क्षेत्रमा तटबन्ध
बैशाख ३१, २०८१ सोमबार
राज्यकोषबाट सुविधा लिनेले छोराछोरी सामुदायिक विद्यालयमा पढाउनुपर्ने
बैशाख २९, २०८१ शनिबार
दैनिक सूर्य नमस्कार गर्दा यी १० समस्याबाट छुटकारा मिल्छ
नेपालबहस संवाददाता
जेठ १, २०८१ मंगलबार
बारामा चोरी सिकारी समूह सक्रिय, वन कार्यालय छेउमै हरिणको सिकार
नेपालबहस संवाददाता
बैशाख ३१, २०८१ सोमबार
पेट्रोलियम पदार्थको मूल्य घट्यो
जेठ २, २०८१ बुधबार
सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा
जेठ ३, २०८१ बिहिबार
जसपा विभाजनमा निर्वाचन आयोगको निर्णय यथास्थितिमा राख्न सर्वाेच्चको आदेश
जेठ २, २०८१ बुधबार
शर्मालाई नीति अनुसन्धान प्रतिष्ठानको कार्यकारी अध्यक्ष, दुई जनाको सचिवमा बढुवा
जेठ ३, २०८१ बिहिबार
बजारमा माग बढेपछि जुनेलो र फापरखेती गर्दै किसान
जेठ ३, २०८१ बिहिबार
सीप मेलाको दोस्रो चरण जेठ ६ गतेदेखि सुरु
जेठ ३, २०८१ बिहिबार
घुम्ती–रानीटारी खण्डको नौ किमी स्तरोन्नति गरिँदै
जेठ ३, २०८१ बिहिबार
जङ्गली जनावरको आक्रमणबाट सातजनाको मृत्यु
जेठ ३, २०८१ बिहिबार