माउन्टेन फ्लाइटमा गएको श्री एयरलाइन्सको जहाज आकस्मिक अवतरण

१२ असोज, काठमाडौं । माउन्टेन फ्लाइटका लागि काठमाडौंबाट आज बिहान ४२ जना यात्रु लिएर उडेको श्री एयरको जहाजमा समस्या देखिएको छ । समस्या आएपछि आकस्मिक  त्रिभुवन अन्तर्राष्ट्रिय विमानस्थलमा आकस्मिक अवतरण गराइएको छ । 

जहाज उडेको केही बेरमै बाँयातर्फको इञ्जिनमा समस्या देखिएको र लामो समय आकाशमा उडाएर इन्धन खालि भएपछि विमानस्थलमा आकस्मिक अवतरणका प्रबन्ध मिलाएर अवतरण गराइएको श्री एयरलाइन्सका प्रवन्धक अनिल मानन्धरले बताए ।