कोशीमा ६ दिनभित्र सरकार गठनका लागि आह्वान, दुवै पक्षसँग सरकार बनाउने मत नहुँदा मध्यावधिको संकेत
नेपालबहस संवाददाता
असोज २०, २०८० शनिबार २१:३७:२९
२० असोज, बिराटनगर । ६ दिनको समय दिएर कोशी प्रदेशका प्रदेश प्रमुखले सरकार गठनका लागि दाबी पेश गर्न समय दिएका छन् । मुख्यमन्त्री हिक्मतकुमार कार्कीले शनिबार राजीनामा दिएपछि सरकार गठनका लागि आह्वान भएको हो ।
प्रदेश प्रमुख परशुराम खापुङले संविधानको धारा १६८ (५) बमोजिम प्रदेशसभाको विश्वासको मत प्राप्त गर्न सक्ने प्रदेशसभा सदस्यलाई मुख्यमन्त्री नियुक्त गरी सरकार गठनका लागि दाबी पेश गर्न आह्वान गरेका हुन् । २६ असोज (शुक्रबार) अपराह्न ५ बजेभित्र दाबी पेश गरिसक्नुपर्ने प्रदेश प्रमुखको कार्यालयले जनाएको छ ।
सर्वोच्च अदालतको परमादेशले संविधानको धारा १६८ को उपधारा (३) अनुसार मुख्यमन्त्री नियुक्त भएका एमाले नेता हिक्मतकुमार कार्कीले शनिबार पदबाट राजीनामा दिएपछि कोशीमा नयाँ सरकार गठन हुन लागेको हो ।
कोशीका मुख्यमन्त्री कार्कीले राजीनामा दिएसँगै नयाँ सरकार गठनको बाटो मात्र खुलेको छैन, मध्यावधि नजिक पनि पुगेको छ । शनिबार विश्वासको मत लिनका लागि बोलाइएको बैठकलाई सम्बोधन गर्दै मुख्यमन्त्री कार्कीले राजीनामा दिएका हुन् ।
कार्कीले ३० दिनभित्र विश्वासको मत लिनुपर्ने थियो । त्यसका लागि शनिबार बोलाइएको प्रदेशसभा बैठक बस्नुअघि एमाले संसदीय दलले राजीनामा दिने बाटो रोज्यो । राप्रपा बाहेकका दलले विश्वासको मत नदिने र त्यो अवस्थामा बहुमत नपुग्ने भएकाले एमालेले राजीनामाको बाटो रोजेको हो । यदि विश्वासको मत नपाए संविधानको धारा १६८ (५) अनुसार मुख्यमन्त्रीमा दाबी गर्न कार्की अयोग्य हुने कतिपय कानुनविद्को तर्क थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रधानमन्त्री निवास बालुवाटार प्रमुख दलका शिर्ष नेताहरु छलफलमा जुटे
जेठ ५, २०८१ शनिबार
प्रधानमन्त्रीले राष्ट्रिय राजनीतिमा तमासा देखाउनु भोः नेपाल
जेठ ५, २०८१ शनिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
प्रधानमन्त्री निवास बालुवाटार प्रमुख दलका शिर्ष नेताहरु छलफलमा जुटे
जेठ ५, २०८१ शनिबार
'कोपिलाका सुगन्ध’ बजारमा
जेठ ५, २०८१ शनिबार
तनहुँमा पौडी खेल्ने क्रममा डुबेर दुई युवाको मृत्यु
जेठ ५, २०८१ शनिबार
मुम्बई इन्डियन्सका कप्तान हार्दिक पाण्डेयालाई एक खेलको प्रतिबन्ध
जेठ ५, २०८१ शनिबार
मच्छिम डाँडामा निर्मित ‘भ्युस्टेसन’ पर्यटकको रोजाइमा
जेठ ५, २०८१ शनिबार
बागलुङमा गर्भपतन गराउने बढे, प्रजनन स्वास्थ्यमा जटिल समस्या
जेठ ५, २०८१ शनिबार