लोक सेवाले रोक्यो सहसचिव र उपसचिव पदको विज्ञापन

असोज २४, काठमाडौं । लोक सेवा आयोगले अचानक सहसचिव र उपसचिवको विज्ञापन रोकेको छ । सवै तयारी सकेर आज बुधवार प्रकाशन गर्न लागिएको विज्ञापन रोकिएको हो । आयोगले विशेष कारणबस सूचना रोक्नु परको जनाएको छ । 

आयोगले मंगलबार  निर्णय गरी बुधवारको तालिकामा प्रकाशन गर्नु पर्ने सूचना प्रकाशन गर्न नसकिने जनाएको हो । आर्थिक वर्ष २०८०–०८१ का लागि आयोगले प्रकाशन गरेको तालिकाअनुसार असोजको अन्तिम बुधवार  रापत्रांकित प्रथम र द्वितीय श्रेणी अर्थात् सहसचिव र उपसचिवको विज्ञापन आज प्रकाशन हुनु पर्ने थियो । 

आयोगको वार्षिक कार्य तालिका २०८०–०८१ अनुसार मिति २०८० असोज २४ गते प्रकाशन गर्नुपर्ने विज्ञापन विशेष कारणवश प्रकाशन नगरिएको ब्यहोरा आयोगको मिति २०८० असोज २३ को निर्णय अनुसार सम्बन्धित सबैको जानकारीका लागि यो सूचना प्रकाशन गरिएको प्रकाशित सूचनामा उल्लेख छ ।