भगवती र मिड सोलु हाइड्रोपावरको आईपीओ नेप्सेमा सूचीकृत, ओपनिङ रेन्ज कति ?

२५ असोज, काठमाडौं । नेपाल स्टक एक्सचेन्ज (नेप्से) मा भगवती हाइड्रोपावर र मिड सोलु हाइड्रोपावरको आईपीओ सूचीकृत भएको छ । जसमा भगवती हाइड्रोपावरको चुक्ता पुँजीका आधारमा कायम कुल ५७ लाख २० हजार ६४७ कित्ता शेयर पनि सूचीकृत भएको हो । नेप्सेले यसको ओपनिङ रेन्ज प्रतिकित्ता १२०.४१ रूपैयाँदेखि ३६१.२३ रूपैयाँसम्म तोकेको छ । ‘बीजीडब्लुटी’ संकेतमा यसको शेयर कारोबार हुनेछ । 

यस्तै, मिड सोलु हाइड्रोपावको चुक्ता पुँजीका आधारमा कायम कुल ७४ लाख ८४ हजार  कित्ता शेयर पनि सूचीकृत भएको हो । नेप्सेले यसको ओपनिङ रेन्ज प्रतिकित्ता १०० रूपैयाँदेखि ३०० रूपैयाँसम्म तोकेको छ । ‘एमएसएचएल’ संकेतमा यसको शेयर कारोबार हुनेछ । अब बिहीबार दुवै कम्पनीको पहिलो कारोबार सोही मूल्यभित्र रहेर खुला हुनेछ ।