अन्ततः देउवा र प्रचण्डको शेखरसँग सहमति

२७ असोज, काठमाडौं । कोशी प्रदेशमा भएको राजनीतिक उतारचढावले सत्ता गठबन्धनका शीर्ष नेताहरूलाई फेरी सहमतिको स्थितिमा पुर्याएको छ । कांग्रेसबाट विद्रोह गरेर पनि मुख्यमन्त्री बन्न सफल भएका केदार कार्कीलाई समर्थन गर्ने निर्णयमा कांग्रेस सभापति शेरबहादुर देउवा र प्रधानमन्त्री पुष्पकमल दाहाल प्रचण्ड पुगेका छन् । 

कोशीमा अब कुनै विवाद नगरी कार्कीलाई सरकार सञ्चालनमा सघाउने र गठबन्धनलाई कायमै राखेर अगाडि बढ्ने शनिबार तीन नेताबीच सहमति भएको हो । नेपाली कांग्रेस र नेकपा माओवादी केन्द्रले सत्ता गठबन्धनलाई निरन्तरता दिने गरी आज फेरी सहमति बनेको हो । सत्ता गठबन्धनलाई कमजोर हुन नदिने दुई दलबीच सहमति भएको हो ।  

प्रधानमन्त्रीसमेत रहेका माओवादी केन्द्रका अध्यक्ष प्रचण्ड, कांग्रेसका सभापति देउवा र कांग्रेस नेता डा. शेखर कोइरालाबीच गठबन्धनलाई कमजोर हुन नदिने सहमति भएको हो । तीन नेताबीच लिखित सम्झौता भएको हो । कोसी प्रदेशमा अब सहमति गरेर अगाडि बढ्न तीन नेता सहमत भएपछि विद्रोह गरेर मुख्यमन्त्री भएका कार्कीलाई पनि सरकार चलाउन सहज हुने देखिएको छ ।