भूकम्पले समाप्त पारिदियो तिहारको रौनक
नेपालबहस संवाददाता
कात्तिक २२, २०८० बुधबार १४:४२:४४
सहदेव बस्नेत
२२ कात्तिक, जाजरकोट । तिहारको प्रतीक्षामा रहेकी भेरी नगरपालिका–१ कोलचौरकी हस्ती कामीको उमङ्ग यसपालि बिनासकारी भूकम्पले खोसेर लगेको छ । विदेशमा रहेका छोराछोरी घर आउने र रमाइलो गरी तिहार मनाउने उनको सपना भूकम्पले क्षणभरकै समाप्त पारिदियो ।
जेठा छोरा उदय विक, कान्छो छोरा उत्तर विक र छोरी खिमी विकको प्रतीक्षामा रहेका हस्तीले भूकम्पमा आफ्नी एक बुहारी र ३ नाति, २ नातिनीसहित परिवारका ६ जना परिवारका सदस्य गुमाउनु पर्यो ।
परिवारका ६ जना सदस्य पुरिएको घरको छेउमा उभिएर हस्ती बलौना गरिरहेका छन् । ‘मैले एकैपटक मेरा ६ जना सन्तानको लाश आँगनीबाट विदाई गर्नु पर्यो’ आफ्नो भाग्यलाई दोष दिँदै उनी भन्छन् ।
दुबईवाट घर आएका उदय विक आँगनीमा भक्कानिइरहेका छन् । ‘म मात्र बाँचेर के गर्ने, चाडवाडको मुखमा यो विपत्ति पर्दा आफ्ना लागि तिहार पर्व सधैँका लागि निरास हुनेभयो अब ।’
सोही वडाका रावत गाउँकी उर्मिला रावतले तिहारका लागि गरिरहेको तयारी क्षणभरमै भूकम्पले उजाड बनाइदियो । उनको आफ्ना २ छोरा, २ छोरी र पाहुना लाग्न आएका दुई जनालाई गुमाउनु पर्यो । तिहारमा पकाउने रोटीका लागि पीठो पिस्न गएकाले उनकी बहिनी सन्तोकी रावत बाँच्न सफल भइन् । आफू बाँचे पनि सन्तोकीले आफ्ना २ नाबालक गुमाइन् ।
रावत गाउँकै हरिबहादुर रावत आफ्ना लागि तिहार सदाका लागि अन्त्य भएको दुखेसो गर्छन् । आमा र आफ्ना दाईलाई एकै चिहान बनाएको घरको भग्नावशेषमा उभिएर उनी भक्कानिछन् ।
भेरी नगरपालिका ३ थाप्लेमा तिहारको रौनक छाइसकेको थियो । अरुजस्तै तिहारका लागि आफ्नो तयारीमा लागेकी सुष्मा आरसीलाई भूकम्पले चाडवाड सधैं नरमाइलो हुनेगरी पीडा दियो। उनको प्रिय सन्तान चुँडेर लग्यो ।
भर्खरै पोखरा विश्वविद्यालयबाट इन्जिनियरिङ्ग पास गरेकी २१ वर्षीया छोरी मेरिना आरसीलाई उनले सदाका लागि गुमाइन् । ‘पर्वको मुुखमा यस्तो पीडा भोग्नुपर्यो’ उनी बिलौना गर्छिन्, ‘अब आफ्ना लागि चाडपर्व सबै निरास हुने भयो ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकर्णालीका मुख्यमन्त्रीले बोलाए सर्वदलीय बैठक
बैशाख २९, २०८१ शनिबार
बजेट थप नहुँदा ५७४ टुक्रे योजना अलपत्र
बैशाख २७, २०८१ बिहिबार
अछाम र बाजुरामा विद्युत सेवा बन्द
बैशाख २६, २०८१ बुधबार
सीमा नाकामा सशस्त्रका एसपीमाथि निगरानी, पर्साका एसपी हेडक्वार्टरमा तानिए
नेपालबहस संवाददाता
बैशाख २७, २०८१ बिहिबार
प्रचण्डको यूटर्नले जोगिएको रवि लामिछानेको पद
विनोद त्रिपाठी
बैशाख २७, २०८१ बिहिबार
नारायणीमा ३० करोडको एमआरआई मेसिन ६ महिनामै विग्रियो
आबिद हुसेन
बैशाख २७, २०८१ बिहिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
बैशाख २९, २०८१ शनिबार
सहकारी प्रकरण: रवि विरुद्ध के छ काग्रेससँग प्रमाण ?
बैशाख २९, २०८१ शनिबार
के भयो जब शनिदेवले हनुमान जीलाई भेटे, किन मागे शनिले माफी ?
बैशाख २९, २०८१ शनिबार
न्यूनतम पारिश्रमिक निर्धारण समितिको अध्यक्षका लागि छजनाको उम्मेदवारी
बैशाख २९, २०८१ शनिबार
श्रीमान् बचाउन खोज्दा श्रीमतीको करेन्ट लागेर मृत्यु
बैशाख २९, २०८१ शनिबार
शान्ति, सुरक्षा कायम गर्न सबैको हातेमालो आवश्यक : प्रदेश प्रहरी प्रमुख खापुङ
बैशाख २९, २०८१ शनिबार
दाङमा भान्सामै पसेर दुई महिलाको बञ्चरो प्रहार गरी हत्या
बैशाख २९, २०८१ शनिबार
फोहर सङ्कलनमा नेपाली सेना प्रथम
बैशाख २९, २०८१ शनिबार
व्यक्तिगत स्वार्थका कारण पार्टी विभाजन भयो : अध्यक्ष उपेन्द्र यादव
बैशाख २९, २०८१ शनिबार