दिनेश ‘काजी’को संगीतमा ‘यो मन मेरो दोमन भो’ बजारमा

८ मंसिर, काठमाडौं । संगीतकार दिनेश ‘काजी’ बान्तावा संगीतबद्द ‘यो मन मेरो दोमन भो’ वोलको गीतको भिडियो सार्वजनिक भएको छ । किसन राई अफिसियलबाट सार्वजनिक गरिएको उक्त गीतलाई वरिष्ठ संचारकर्मी अमर धोज लामाले लेखेका छन् भने गीतको एरेन्ज, मिक्सिङ्ग एबं माष्टरिङ्ग देबेश राईले गरेका छन् । 

सेवा रेकर्डिङ्गमा रेकर्ड गरिएको उक्त गीतको म्यूजिक भिडियोमा चर्चित मोडल एलिसा राईले मुख्य कास्ट कलाकारको रुपमा अभिनय गरेका छन् भने कलाकारहरु निर्मल कुमार लामा 'बिजी', मन्जित वाईबा, अन्जन मोक्तान कान्छा र स्वयम् गायक किसन राई समेतले अभिनय गरेका छन् । 

डोल्मोको सौन्दर्यता र जीवनशैलीलाई मन पराउने भिन्न भिन्न उमेर समुहका युवाहरुको डोल्मोप्रतिको आकर्षणलाई भिडियोको बिषय बस्तु बनाइएको छ । भिडियो भित्रको कथाको अन्त्य भने अप्रत्यासित बनाइएको उक्त भिडियोलाई भिमफेदी गाईजका निर्मल कुमार लामा 'बिजी'ले निर्देशन गरेका छन् भने भिडियोको सिनेमाटोग्राफी, भिडियो सम्पादन तथा कलरिङ्ग पवन सुस्लिङ्गले गरेका छन् । 

संगीतकार दिनेश ‘काजी’ बान्तावाद्वारा संगीतबद्द ‘हुरुक्कै भए म’, ‘गर्मी भयो धरान’, ‘मेरो मुटु भन्छौ मलाई’, ‘मार्यो सुड्डोले’ आदि गीतहरु चर्चित छन् ।

यो मन मेरो दोमन भो..........