मेरो र अर्थमन्त्रीका बीच कुनै तिक्तता छैन, अर्थतन्त्रलाई सवल बनाउने विषयमा मिलेर काम गरिरहेका छौँः गभर्नर
नेपालबहस संवाददाता
मंसिर १५, २०८० शुक्रबार १२:२७:२८
१५ मंसिर, काठमाडौं । नेपाल राष्ट्र बैंकका गभर्नर महाप्रसाद अधिकारीले नेपाल राष्ट्र बैंक र अर्थमन्त्रालयका बीचमा कुनै चिसोपना नरहेको बताएका छन् । उनले आफू र अर्थमन्त्री प्रकाशशरण महतका बीचमा कुनै तिक्तता नरहेको बताएका छन् । अर्थतन्त्रलाई सहज बनाउने विषयमा महत र मेरो बीचमा बारम्बार छलफल भइरहेकै छ, उनले भने ।
आर्थिक पत्रकार समाज सेजनको २७ औं वार्षिकोत्सवका अवसरमा शुक्रबार राजधानीमा आयोजित कार्यक्रममा उनले अर्थमन्त्रीसँग नराम्रो व्यवहार नरहेको बताएका हुन् । मौद्रिक नीतिलाई खुकुलो बनाउनु पर्ने लगायतका विषयमा महत र गभर्नर अधिकारीबीच तिक्तता देखिएको भन्दै सम्बन्ध राम्रो नरहेको समाचारहरू आउन थालेपछि अधिकारीले अर्थमन्त्रीसँगको सम्बन्ध नराम्रो नरहेको बताएका हुन् ।
उनले अर्थमन्त्री महतसँग विवाद भएर नभइ केही तत्थ्यांकहरु कुर्नु परेकाले मौद्रिक नीतिको पहिलो समीक्षा आउन ढिलाई भएको बताए । मौद्रिक नीतिको समीक्षामा पनि आफूहरू दुईबीच छलफल भइरहेको उनले बताए । गभर्नर अधिकारीले मौद्रिक नीतिको समीक्षा आउनु अगाडि कुनै बैंक तथा वित्तीय संस्थाले धेरै ब्याज लिएको भए उजुरी गर्न आग्रह गरे ।
बाहिर हल्ला गरेर अराजकतालाई सहयोग गर्नुको साटो प्रमाणसहित उजुरी दिन उनले आह्वान गरेका हुन् । गत आर्थिक वर्ष बैंकहरुले लिएको ४ अर्ब ७६ करोड रूपैयाँ बढी ब्याज रकम फिर्ता गराएको अधिकारीले बताए । केहीले नेताहरू भेट्दै १६÷१८ प्रतिशत ब्याज बैंकले लिएको भन्दै हिँड्ने गरेको भन्दै उनले सो दरको ब्याज लिएको भएमा तथ्यसहित राष्ट्र बैंकमा उजुरी गर्न आग्रह गरे ।
मौद्रिक नीतिको पहिलो त्रैमासिक समीक्षा केही पर सर्नुमा थप डाटा पर्खिरहेको उनले बताए । अर्थमन्त्री र गभर्नर बीचमा भएको छलफलबाट नै बजेटमा भएका विषयलाई राष्ट्र बैकले सहयोग गरिरहेको बताए । राष्ट्र बैंकले सरकारसँग समन्वयात्मक रुपमा काम गरिरहेको उनको भनाइ छ । पछिल्लो समय आर्थिक शिथिलताका कारण खराब कर्जा बढेको उल्लेख गर्दै गभर्नर अधिकारीले खराब कर्जा बढेकै कारण अहिले लाभांशमा कडाइ गर्नु परेको बताए ।
रिपेमेन्टका कारण केही व्यवसायीमा समस्या परेको उनले स्वीकार गरे । ऋण लिएपछि तिर्ने योजना पनि बनाउनु पर्ने भन्दै उनले भने ‘घाँटी हेरेर हाड निल्नु पर्ने बताए । अर्थतन्त्रमा उतारचढाव संसारभर आउने गरेकाले यसलाई सबै मिलेर चिर्नुपर्ने उनको भनाइ छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसवारी साधन र घरजग्गा कर्जामा राष्ट्र बैंक लचक
जेठ ४, २०८१ शुक्रबार
राष्ट्र बैंक भन्छ, ‘आर्थिक तथा वित्तीय सूचक सकारात्मक’
बैशाख ३०, २०८१ आइतबार
पौने ११ खर्ब रेमिट्यान्स, १९ खर्ब विदेशी मुद्रा सञ्चिति
बैशाख ३०, २०८१ आइतबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
बाँकेको जमुनाहा नाका आज रातिबाट बन्द हुँदै
जेठ ५, २०८१ शनिबार
उमेर नपुग्दै गर्भपतनले स्वास्थ्य समस्या बढ्दै
जेठ ५, २०८१ शनिबार
सहकारी प्रकरणसम्बन्धी छानबिन समिति बनाउने सहमति, मोडालिटीबारे छलफल बाँकी
जेठ ५, २०८१ शनिबार
फोर्ब्सद्वारा प्रकाशित सु ब्रिजम्यानको ‘द सीक्यू एज’ नेपालमा सार्वजनिक
जेठ ५, २०८१ शनिबार