तराईमा घुमुवा खटाइने एआईजीको काज आदेश अलपत्र

२३ मंसिर, काठमाडौं । सशस्त्र प्रहरीका एआईजी चन्द्र प्रकाश गौतम 'सीपी'ले काजमा बसेका कर्मचारी २४ घन्टा भित्र खेद्ने आदेशले असफल भएको छ । संगठनल आवश्यकता अनुसार खटाएका व्यक्तिलाई हटाउन लागि प्रशासन विभाग प्रमुख हुनासाथ उनले काजका कर्मचारीमाथि २४ घण्टे लगाएर सम्बन्धित स्थानमा जान दिएको निर्देशन कसैले पनि कार्यान्वयन नगर्दा असफल भएको हो ।

प्रशासन विभागले काजका नाममा अत्यावश्यक क्षेत्रमा खटिएका कर्मचारीलाई सम्बन्धित दरबन्दीमा रवाना गर्न गत कात्तिक ३० गते ४८ घण्टाको समय सीमा तोकेर आदेश दिएका थिए । तर ४८ घण्टे आदेश कार्यान्वयन नभएपछि पुनः मंसिर ४ गते कुनै बहाना नबनाइ सबै काजका कर्मचारी फिर्ता गर्न २४ घण्टे उर्दि जारी गरेका थिए ।

यति गर्दा पनि एआईजी गौतमको आदेशलाई प्रहरी मुख्यालयमा मात्र होइन देशभरकै कुनै निकायले कार्यान्वयन गर्न अप्ठेरो भएको र अनावश्यक रुपमा काज नखटाइएको तथा इन्टेलिजेन्समा मात्रै काजमा खटाइएको जनाएर कार्यान्वयन गर्न नसक्ने जनाउ दिएका थिए । यो नगर्नुको कारण के हो भने सशस्त्र प्रहरीका विभिन्न युनिटमा सयौं कर्मचारीलाई आवश्यकता अनुसार काज खटाइएको छ । 

ती सबैलाइ दरबन्दी पठाउंदा दैनिक कामकाजनै ठप्प हुने अबस्था आउने भएकाले कार्यान्वयन हुन नसकेको  हलचोक श्रोतले जानकारी दिएको छ । ‘प्रशासन विभागमा आउने बित्तिकै उनले आईजीपीलाई नै अप्ठेरो पार्ने गरी थाह नदिई काज फिर्ताको आदेश दिएका थिए, तर सयौ कर्मचारीलाई आवश्यकता अनुसार काजमा खटाउने र पठाउने गरिएकाले त्यो कार्यान्वयन नहुने विषय थियो’, स्रोतले भन्यो ।

अहिले त्यो आदेश पालना नहुने बुझी गौतमले फेरि केही दिन अघि नरम हुँदै सकेसम्म सम्बन्धित दरबन्दीमा पठाउन भनेका छ्न् , जबकी सकेसम्म भनेको झन् पालना नगरेपनी भयो । यो आदेशले उनी झन हलुुका हुन थालेका छन् । अहिले एआइजी गौतमले आफू मात्र काम गर्न सक्षम भएको सन्देश दिन खोज्दा उल्टो असफल र हाँसोको पात्र बनेका छन् । उनले कोही कसैलाई नछाड्ने भन्दै आफू निकट रहेका घुमुवालाई प्रदेश कार्यालयमा पठाउन थालेपछि उनको काज फिर्ता कार्यान्वयन हुन नसकेको स्रोतको दावी छ ।

 त्यति मात्र होइन उनले सर्लाही बस्दा मातहत बेस बिओपिमा आउने मासिक रकम नदिएको मात्र होइन ती बेश बिओपी बाट  उल्टो मासिक रकम उठाउने गरेको समेत बुझिएको छ । मासिक रकम नबुझाउने बेश बिओपिमा दुःख दिने मनसायले राती १२÷१ बजे पुगेर कर्मचारी भेला गर्दै कति बिदामा छ भनेर टाउको गन्ती गर्ने गरेको श्रोतको दाबी छ । उनको यही हर्कत काठमाडौंको बाहिनी बस्दा समेत रहेको थियो । जुनबेला उनी मध्यरात र बिहानै पिटि हाजिर लिन सिनामंगलको गण पुग्ने गरेका थिए ।

त्यसबेलाका गणपती एसपी विशेस्वर थापाले आफुले मासिक रकम नबुझाएपछि गौतमले दुःख दिएको बताउने गरेका थिए । त्यतिमात्र होइन करिब ४ बर्ष युएनमा खटिएका गौतमले संगठनलाई तिर्नु पर्ने पूरा लेबि समेत नतिरेको आरोप छ । उनले त्यसबेला हलचोकको युएन शाखामा बसेर स्याट परीक्षाको प्रश्नपत्र आउट गराएका इन्सपेक्टर नबराजबिक्रम कुंवर र कल्याणका इन्सपेक्टर सुदन गिरीसंग सेटिङ मिलाएर १ बर्ष मात्र युएन बसेको कागजपत्र बनाएको आरोप छ । 

उनी अहिले प्रशासन विभागमा बसेर अरुलाई आर्दश पात्रको स्वरुप देखाएको सशस्त्रकै एक अधिकारीले भने । ती अधिकारीका अनुसार अबको एक वर्षमा उनी अवकाशमा जाँदैछन् । अवकाशमा जानु अघि नै उनले प्रशासनबाट तराईका बिओपीमा मूख्यालयको अनुगमन भन्दै घुमुवा  खटाएको स्रोतको दावी छ ।