डाक्टर माथिल्लो तल्लामा, बिरामी थप मर्कामा

दीपक शर्मा 

२५ मंसिर, बर्दिया । बर्दियाको बार बर्दिया नगरपालिकामा रहेको आयुर्वेद अस्पतालमा डाक्टर माथिल्लो तल्लामा बस्ने भएका कारण विरामीलाई स्वास्थ्य सेवा लिन कठिनाइ भएको छ । 

बारबर्दिया नगरपालिकाको पुरानो भवनमा माथिल्लो तलामा डाक्टरले विरामीको चेक जाँच गर्ने र औषधि वितरण  तल्लो तलाबाट हुने गरेका कारण विरामीले थप कठिनाई झेल्नु परेको हो । डाक्टरलाई देखाउनका लागी माथिल्लो तला जानुपर्छ फेरी तल झरेर औषधि लिनुपर्ने हुन्छ डाक्टर तल्लो तलामा बसिदिएको भएपनि केहि राहत हुने विरामीहरूको भनाई रहेको छ ।

नगर स्वास्थ्य मगरागाडि आयुर्वेद औषधालय डाक्टर सुरेश पुनले पालिकाले कोठा तथा भवन उपलव्ध नगराएका कारण यो समस्या देखिएको बताए। यस विषयमा नगर प्रमुख छबिलाल थारुले आफूलाई यो विषयमा जानकारी नभएको अहिले आफु काठमाडाैं भएका कारण फर्किए लगत्तै विरामीलाई सहज हुने खालको वातावरण मिलाउने बताए ।