दुई सातादेखि वैदेशिक अध्ययन अनुमति पत्र वितरण अवरुद्ध, अझै बनेन् सर्भर
नेपालबहस संवाददाता
पुस ३, २०८० मंगलबार १६:२७:०
३ पुस, काठमाडौं । वैदेशिक अध्ययन अनुमति शाखाको सर्भर बिग्रिएका कारण सयौं विद्यार्थी विदेश जानबाट रोकिएका छन् । दुई सातादेखि वैदेशिक अध्ययन अनुमति पत्र (नो अब्जेक्सन लेटर–एनओसी) वितरणमा प्राविधिक समस्या आइरहेको छ । अध्ययनका लागि विदेश जान लागेका विद्यार्थी सर्भर नबनेका कारण समस्यामा परेका दुई सातादेखि कुरीरहेका छन् ।
शिक्षा मन्त्रालय अन्तर्गतको सानोठिमीस्थित वैदेशिक अध्ययन अनुमति शाखामा प्राविधिक गडबडी भएपछि विद्यार्थीले आवेदन दिने प्रक्रिया, भेरिफाइ र एनओसी प्रमाणपत्र वितरण कार्य रोकिएको छ । सफ्टवेयर अपडेट गर्ने क्रममा सर्भर डाउन हुँदा समस्या आएको शिक्षा मन्त्रालयले जनाएको छ । सर्भर डाउन हुँदा मंसिर २३ देखि २९ गतेसम्मको डेटा रिकभर हुन सकेको छैन् । अनलाइन मार्फत आवेदन दिएका केही विद्यार्थीको तथ्याङ्क हराएको छ भने नियमित एनओसी वितरण रोकिएको छ ।
रिकभरका कतिपय डेटामा पनि त्रुटी देखिएपछि विद्यार्थीलाई पुनः आवेदन दिन आग्रह गरिएको छ । दैनिक ३ सयदेखि एक हजार विद्यार्थीले एनओसीका लागि अनलाइन आवेदन दिदै आएका छन् । सिष्टम अपडेटका क्रममा समस्या हुँदा डेटा रिकभरमा ढिलाइ भएर एनओसी वितरणमा कठिनाइ आएको कार्यालयको भनाइ छ । केही विद्याथीले दिएको आवेदन समेत हराएको छ । आवेदन गुमेका विद्यार्थीलाई पुनः आवेदन दिन भनिएको छ ।
एनओसी लिन सानोठिमी पुगेका एक विद्यार्थीले भने एकसातासम्म एनओसी नपाउँदा अध्ययनका लागि विदेश जाने योजना अलपत्र परेको बताए । भिसा लागेर अध्ययन गर्न गइहाल्नु पर्ने विद्यार्थीले अर्को आवेदन दिएर एनओसी लिनुपने अवस्थामा छन् । डेटा गुमेका दिनहरू मध्ये अब दुई दिनको मात्रै रिकभर गर्न बाँकी रहेको कार्यालयले जनाएको छ ।
कार्यालयले एक÷दुई दिनमै एनओसी वितरण प्रक्रियामा सुरु हुने दाबी गरेको छ । अहिले अनलाइन आवेदन दिए पछि अनलाइनबाटै भेरिफाइ हुने व्यवस्था छ । राजश्व समेत अनलाइनबाटै बुझाएर एनओसी प्राप्त गर्ने बेला सक्कल प्रमाण पत्र लिएर विद्यार्थी कार्यालय जानुपर्ने व्यवस्था गरिएको छ ।
अघिल्लो हप्ताको आवेदन हराएपछि आइतबारदेखि मंगलबारसम्म ३ हजार भन्दा बढी विद्यार्थीले पुनः आवेदन दिएको कार्यालयले जनाएको छ । सानोठिमीस्थित कार्यालयमा विद्यार्थीको त्रसिद बनिरहेका छन् । एनओसी प्राप्तिमा ढिलाइ हुँदा विद्यार्थीले नारा जुलुस समेत गरेका थिए । कार्यालयले प्रमाण पत्र भेरिफाइको लागि राष्ट्रिय परीक्षा बोर्डसँग सहकार्य गरेको जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसिंहदरबार प्रवेशका लागि आजदेखि इलेक्ट्रोनिक गेटपास पाइने
बैशाख १७, २०८१ सोमबार
अबदेखि गृह मन्त्रालय प्रवेशका लागि अनलाइनबाटै प्रवेश पास पाइने !
बैशाख १६, २०८१ आइतबार
७७ वटै जिप्रकालाई गृहको पत्र, ‘रूग्ण र अलपत्र आयोजनाको विवरण पठाउनु’
बैशाख १४, २०८१ शुक्रबार
इलाम: कांग्रेस, १६४३, एमाले १६०१, स्वतन्त्र ४३७ र रास्वपाः ३०५ मत
बैशाख १६, २०८१ आइतबार
इलाम २ को अपडेट: कांग्रेसका खड्काको अग्रता कायमै
बैशाख १६, २०८१ आइतबार
इलाम- २ मा कांग्रेस पछि पर्यो , एमालेका सुहाङले लिए अग्रता
बैशाख १६, २०८१ आइतबार
घुम्ती गोठका भेडाका बथान
बैशाख १७, २०८१ सोमबार
दूधकोसी नदी किनारमा जिप खस्दा एक जनाको मृत्यु
बैशाख १७, २०८१ सोमबार
गर्मी मौसममा दिनहुँ चिसो पेय पदार्थ पिउनुहुन्छ ? तुरुन्त बानी सुधार्नुहोस्
बैशाख १७, २०८१ सोमबार
लगानी सम्मेलनको अपेक्षा र भावी गन्तव्य
बैशाख १७, २०८१ सोमबार
टेस्ला प्रमुख मस्क बेइजिङबाट प्रस्थान
बैशाख १७, २०८१ सोमबार
कालिकोट र जुम्ला जोड्ने निर्माणाधीन पुल
बैशाख १७, २०८१ सोमबार