सुरक्षा पन्तको पहिलो नाटक ‘क्लेश’ भारत रंग महोत्सवमा
नेपालबहस संवाददाता
पुस १६, २०८० सोमबार १४:३९:४२
१६ पुस, काठमाडौं । अभिनेत्री सुरक्षा पन्तले खेलेको पहिलो नाटक भारतको प्रतिष्ठित रंग महोत्सवमा छानिएको छ । सुरक्षाले अंग्रेजी नयाँ वर्षको पहिलो दिन खबर सार्वजनिक गर्दै आशीर्वादका लागि आग्रह गरेकी छिन् ।
भारत रंग महोत्सवको २३ औँ संस्करणमा प्रदर्शनका लागि छानिएका ६० हाराहारी नाटकमध्ये नेपालबाट विजया कार्कीको निर्देशनमा तयार भएको नाटक ‘क्लेश’ छानिएको हो । भारत रंग महोत्सव, भारतको नेसनल स्कुल अफ ड्रामाको वार्षिक नाट्य महोत्सवको कार्यक्रम हो । कोभिड अघि संसारभरका नाटक महोत्सवमा मञ्चन हुने गरेका थिए ।
अभिनेत्री सुरक्षा पन्तले कोभिड महामारीका समयमा नै नाटक छानिएको तर भारत रंग महोत्सव नै रद्द भएकाले , अहिले फेरि निम्ता आएको बताएकी छिन् । ‘कोभिडको समयमा छानिएर पनि हामी दिल्ली जान पाएका थिएनौँ । अहिले फेरि निम्ता आएको हो । हामी सम्पूर्ण टिम दिल्लीका लागि उत्साहित छौँ,’ सुरक्षाले भनिन् ।
उनले व्यक्तिगत रुपमा पनि आफू भारत रंग महोत्सवका लागि उत्साहित रहेको बताएकी छिन् । ‘ कलाकारितामा लागेदेखि नै भारत रंग महोत्सवका बारेमा सुनेकी थिएँ । आफूले खेलेको पहिलो नाटक नै यसको हिस्सा बन्न लागेकोमा एकदमै खुसी लागेको छु । एकदमै उत्साहित छु,’ उनले भनिन् ।
प्रतीक्षा कट्टेलले लेखेको नाटकले रामायण कालीन कथालाई समसामयिक चरित्रमा ढालेर प्रस्तुत गरेको छ । हिन्दु धर्मशास्त्रमा अज्ञानता, अहंकार, मोह, विच्छेद र डर गरी ‘क्लेश’का ५ तत्व छन् । नाटकले यिनै तत्वलाई केन्द्रमा राखेर कथा प्रस्तुत गरेको छ । नाटक २०७६ सालको जेठमा पहिलो पल्ट मञ्चन भएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप'पुजार सार्की'को तेस्रो गीत 'जाऊँ माया' सार्वजनिक
जेठ १, २०८१ मंगलबार
नयाँ पुस्ता लक्षित शास्त्रीय संगीत उत्सव
बैशाख ३१, २०८१ सोमबार
सुष्मा विसी र प्रमोद भुसालको रोइला भजन सार्वजनिक
बैशाख २९, २०८१ शनिबार
सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा
जेठ ३, २०८१ बिहिबार
केपी ओलीले मदन भण्डारीका ‘हत्यारा’ लुकाएकै हुन् ?
जेठ ३, २०८१ बिहिबार
तपाईको आजको राशीफल कस्तो छ ?
जेठ ३, २०८१ बिहिबार
‘विप्रेषण विकासको दीर्घकालीन माध्यम होइन’
जेठ ३, २०८१ बिहिबार
सगरमाथा आधार शिविरतर्फ पठाइयो ‘विश्व शान्ति दीप’
जेठ ३, २०८१ बिहिबार
अब संसदीय छानबिन समिति नबनेसम्म सदन अघि बढ्दैन : कांग्रेस
जेठ ३, २०८१ बिहिबार
बलात्कारको जाहेरी परेपछि एमाले नेता विदुर शर्मा फरार
जेठ ३, २०८१ बिहिबार
सुनसरीमा प्रहरीले लागूऔषध कारोबारीलाई गोली हानेर नियन्त्रणमा लियो
जेठ ३, २०८१ बिहिबार
कांग्रेसले बोलायो संसदीय दलको बैठक
जेठ ३, २०८१ बिहिबार