चलचित्र ‘म्याउँ’ मार्फत ‘कम ब्याक’ हुदै उत्तम प्रधान

१ माघ, काठमाडौं । नेपाली क्षेत्रमा अभिनेता उत्तम प्रधान ‘कमब्याक’ हुने भएका छन् । अभिनेता उत्तम प्रधानको प्रमुख अभिनय रहने नेपाली चलचित्र ‘म्याउँ’बाट नेपाली उनको कम ब्याक हुन लागेका हुन् । चलचित्रमा उत्तम प्राधनका अलवा अनुप विक्रम शाही पनि महत्वपूर्ण भूमिकामा रहनेछन् । माघे सक्रान्तिको अवसर ‘म्याउँ’ निर्माण हुने गरिएको हो ।

सो चलचित्रलाई लेखन, निर्देशन तथा निर्माण जय राज रायको रहनेछ । जय मिडिया म्यानेजमेन्टको प्रस्तुतिमा बन्ने यस चलचित्रमा अन्य कलाकार भने छनौट हुने क्रममा रहेका छन ।

उत्तम प्रधान लामो समयदेखि पर्दामा फर्कने तयारी गरिरहेका थिए । उनले दर्पणछायाँको सिक्वेलको रुपमा फेरि दर्पणछायाँ बनाउने घोषणा पनि गरेका थिए । तर अहिलेसम्म यसको काम अगाडि बढ्न सकेको थिएन ।
दक्षिण भारतीय चलचित्र सङ्गीतका प्रख्यात एजे अलीमिर्जाक नौशाद अलीले सङ्गीत दिने यस चलचित्रमा दक्षिण भारतीय चलचित्रका पार्श्र्व गायक गायिका साई भिग्नेश, पद्मलताले स्वर दिनेछन ।

साई चर्चित चलचित्र ‘कान्तारा’को गीत ‘बराह रूपम’ र पद्मलता चलचित्र ‘थानी ओरूभन’ को  ‘कान्नाला कान्नाला’ गीतबाट चिनिन्छन ।

दक्षिण भारतीय चलचित्रकै प्रख्यात सिनेमाटोग्राफर आकाश कुमारको डिओपी रहने ‘म्याउँ’मा लक्ष्मण सुनारले एसोसियट निर्देशन तथा सम्पादन गर्नेछन ।

यो चलचित्र चीनमा पनि रिलिज हुने निर्माण टिमले जानकारी गराएको छ । जसको लागि चिनिया वितरक साउथ एसिया मेरीटाइम सिल्क रोड (फुजियान) ईन्टरनेसनल मिडिया  चलचित्रमा आबद्ध भइसकेको छ ।

जेनी खतिवडा राय, केन्द्र रेग्मी र प्रिन्स कुमार चौधरी सह निर्माता रहेको चलचित्रकी कार्यकारी निर्माता निशा खतिवडा हुन् । सुमन माझीको साउन्ड डिजाइन र सुदिप भण्डारीको भिएफएक्स रहनेछ । यसको विश्वव्यापी रिलिज लक्ष्य सन् २०२४ राखिएको छ ।