राष्ट्रपतिबाट आर्थिक कार्यविधि तथा वित्तीय उत्तरदायित्त्व सम्बन्धी अध्यादेश जारी

४ माघ, काठमाडौं । राष्ट्रपति रामचन्द्र पौडेलले आर्थिक कार्यविधि तथा वित्तीय उत्तरदायित्त्व पहिलो संशोधन अध्यादेश २०८० जारी गरेका छन् । संविधानको धारा ११४ को उपधारा (१) बमोजिम राष्ट्रपतिले मन्त्रिपरिषदको सिफारिसमा सो अध्यादेश जारी गरेका राष्ट्रपति कार्यालयले जनाएको छ ।

मंगलबार बसेको मन्त्रिपरिषद बैठकले अध्यादेश जारी गर्न राष्ट्रपति समक्ष सिफारिस गर्ने निर्णय गरेको थियो । सरकारले आगामी आर्थिक वर्षको बजेट बनाउँदा समस्या आउने भन्दै अध्यादेशमार्फत विधेयक पारित गराउने चाहेको हो ।