सरकारी वकिलको कार्यालय पुर्याइए जग्गा प्रकरणमा पक्राउ परेका चौधरी

१८ माघ, काठमाडौं । बाँसबारी छालाजुत्ता कारखानाको जग्गा प्रकरणमा पक्राउ परेका व्यवसायी अरुण चौधरीलाई सरकारी वकिल कार्यालय काठमाडौंमा लगिएको छ । उनलाई बयानका लागि जिल्ला सरकारी वकिलको कार्यालय, रामशाहपथ लगिएको हो ।

नेपाल प्रहरीको केन्द्रीय अनुसन्धान ब्यूरो सीआईबीले बिहीबार चौधरीसिहित तीन जनालाई पक्राउ गरेको थियो । यसैबीच राष्ट्रपति रामचनद्र पौडेलका राजनीतिक सल्लाहकार सुनिल थापा जग्गा प्रकरणमा पक्राउ परेका अजित नारायण थापालाई भेट्न सीआईबी निवास पुगेका छन् ।

थापा बाँसबारी छाला उद्योगको १० रोपनी जग्गाबारे निर्णय गर्ने तत्कालीन कार्यकारी प्रमुख हुन् । अजित पक्राउ परेका खबर पाएपछि राष्ट्रपतिका राजनीतिक सल्लाहकार थापा सीआईबी पुगेका हुन् ।