काठमाडौंको मौसममा परिवर्तन आएका कारण त्रिभुवन विमानस्थलबाट हुने उडानमा समस्या

१८ माघ, काठमाडौं । काठमाडौंको मौसममा परिवर्तन आएका करण त्रिभुवन अन्तर्राष्ट्रिय विमानस्थल भएर उडान भर्ने जहाजको कार्यतालिकामा समस्या आएको छ । प्रतिकूल मौसमका कारण विमानस्थलको उडान–अवतरणमा समस्या आएको हो । 

मौसम प्रतिकूल हुँदा आन्तरिक र अन्तर्राष्ट्रिय तर्फको उडान–अवतरण केही समयता ढिलाई भइरहेको भइरहेको विमानस्थलले जनाएको छ । साँझ काठमाडौं आउने र काठमाडौबाट बाहिर जाने जहाज मौसमका कारण ढिलो हुने गरेका छन् । विमानस्थलका अनुसार दिउँसो तुम्लिङटारबाहेक सबै विमानस्थलमा उडान भइरहेको थियो ।  

त्रिभुवन विमानस्थलमा मौसम अनुकूल भएको समयमा भिजुअल फ्लाइट रुल्स (भीएफआर) प्रणालीबाट उडान–अवतरणको व्यवस्था मिलाइएको छ । काठमाडौं विमानस्थलमा अहिले आईएफआर प्रणालीबाट उडान–अवतरण भइरहेको जनाइएको छ । आईएफआर भनेको भिजिबिलिटी कम भएको समयमा यान्त्रिक उपकरणको सहयोगमा हुने उडान हो ।