विराट कोहली दोस्रो पटक बुवा बन्दै

२१ माघ, काठमाडौं । अनुष्का शर्मा र विराट कोहली फेरि आमाबाबु बन्न लागेका छन् ।  शनिबार पूर्व ब्याट्सम्यान एबी डिभिलियर्सले यसको खुलासा गरेका हुन् । यो जोडीको दोस्रो सन्तानको खबर सुनेपछि फ्यानहरू सामाजिक सञ्जालमा निकै उत्साहित देखिएका छन् ।

कोहलीले व्यक्तिगत कारणले इंग्ल्याण्डविरुद्धको टेष्ट शृंखलाको पहिलो दुई टेस्ट खेलमा सहभागी नहुने निर्णय गरेका छन् । यस निर्णयको कारण दक्षिण अफ्रिकाका पूर्व कप्तान तथा कोहलीका साथी एबी डिभिलियर्सले हालैको अन्तर्वार्तामा खुलाएका छन् । उनले भने, ‘विराट कोहलीको दोस्रो सन्तान आउन लागेको छ । यद्यपी विराट कोहली र अनुष्का शर्माले यस विषयमा कुनै प्रतिक्रिया दिएका छैनन् ।

यसअघि विराट कोहली ११ जनवरी २०२१ मा पहिलो पटक बुबा बनेका थिए र अस्ट्रेलिया भ्रमण बीचमै छोडेर भारत आएका थिए । कोहलीले छोरीको नाम ‘वामिका’ राखेका छन् ।