महालक्ष्मी विकास बैंकको सीईओ बने दीपेश लम्साल, विकास बैंकमा नम्बर वान बनाउने लक्ष्य

२४ माघ, काठमाडौं । महालक्ष्मी विकास बैंक लि.मा रिक्त रहेको प्रमुख कार्यकारी अधिकृत (सीईओ) मा युवा बैंकर दीपेश लम्साल नियुक्त भएका छन् । यही माघ २३ गते बसेको सञ्चालक समितिको वैठकले लम्साललाई बैंकको सीईओको रुपमा नियुक्त गरेको हो । सोही बैंकको वरिष्ठ नायव प्रमुख कार्यकारी अधिकृत पदमा रहेका लम्साल तत्कालीन प्रमुख कार्यकारी अधिकृत बोधराज देवकोटाले दिएको स्वैच्छिक राजीनामा पश्चात निमित्त प्रमुख कार्यकारी अधिकृत (सीईओ)को भुमिकामा थिए । 

आज नवनियुक्त सीईओ लम्साललाई बैंक परिवारको तर्फबाट केन्द्रीय कार्यालय, दरबारमार्गमा स्वागत कार्यक्रम सम्पन्न गरिएको छ । उक्त कार्यक्रममा नवनियुक्त प्रमुख कार्यकारी अधिकृत लम्सालले बैंक प्रतिको जनविश्वास, निष्ठा कायम राख्दै गुण्स्तरीय सेवा प्रदान गरी बैंकलाई नम्बर वान बनाउन सदा तत्पर रहने प्रतिबद्धता जनाएका छन् । साथै उनले बैंकको लक्ष्य र उद्देश्य प्राप्तिका लागि सम्पूर्ण कर्मचारीलाई प्रयत्नशील रहन समेत आग्रह गरेका छन् । 

विगत १५ वर्षदेखि महालक्ष्मी विकास बैंकमा कार्यरत लम्सालसँग विभिन्न वाणिज्य बैंक तथा विकास बैंकमा गरी करिब २८ बर्षको बैकिङ अनुभव रहेको छ ।