टेरामक्स खरिद प्रकरणः बहालवाला स्वास्थ्य मन्त्री बस्नेत, पूर्वमन्त्री कार्कीसहित डेढ दर्जन विरुद्ध मुद्दा दर्ताको तयारीमा अख्तियार
यी हुन् टेरामक्स खरिद प्रकरणमा संलग्न व्यक्तिहरु
नेपालबहस संवाददाता
माघ २६, २०८० शुक्रबार १२:४६:१७
२६ माघ, काठमाडौं । बहालवाला स्वास्थ्य मन्त्री मोहनबहादुर बस्नेत तथा पूर्व सञ्चारमन्त्री ज्ञानेन्द्रबहादुर कार्कीले बयान दिइसकेपछि अख्तियार दुरुपयोग अनुसन्धान आयोगले टेरामक्स खरिद प्रकरणको मुद्दालाई अदालत पठाउने तयारी गरेको छ । यसैसाता दुई नेताहरूले अख्तियार पुगेर बयान दिएपछि अख्तियारले मुद्दाको तयारी गरेको हो । त्यसका लागि अख्तियारले आफ्नो किसिमको तयारी थालेको स्रोतको दावी छ ।
टेरामक्स खरिद प्रकरणमा बहालवाला मन्त्री मात्र होइन, मुख्यसचिव र सचिवसम्म अख्तियार दुरुपयोग अनुसन्धान आयोगमा बयानका लागि पुगेका हुन् । टेरामक्स घोटाला काण्डमा पहिलोपटक बहालवाला स्वास्थ्य मन्त्री मोहनबहादुर बस्नेतदेखि बहालवाला मुख्यसचिव डा. बैकुण्ठप्रसाद अर्यालसम्म अख्तियार पुगेर बयान दिएका थिए । उनीहरूको बयानले रोकिएको अख्तियारलाई मुद्दा लैजाने बाटो खुलेको स्रोतले जनाएको छ ।
त्यस्तै प्रमुख सूचना आयुक्त महेन्द्रमान गुरुङ र संघीय मामिला तथा सामान्य प्रशासन सचिव विनोदप्रकाश सिंहले पनि टेरामक्स घोटालामा अख्तियार पुगेर बयान दिइसकेका छन् । सञ्चार तथा सूचना प्रविधि मन्त्री हुँदाका बखत बस्नेतले टेरामक्स प्रविधि खरिदको सुरुवात गरेका थिए । त्यो बेलाका सञ्चार सचिव महेन्द्रमान गुरुङ पनि अख्तियारको फन्दामा परेका छन् । तत्कालीन सञ्चारमन्त्रीको हैसियतमा टेरामक्स खरिदमा संलग्न बहालवाला सांसद ज्ञानेन्द्रबहादुर कार्की र गोकुल बाँस्कोटाले पनि अख्तियार पुगेर बयान दिएका हुन् ।
तत्कालीन सञ्चारमन्त्री कार्कीको पालाका सचिव अर्याल ( हाल मुख्यसचिव) र सहसचिव सिंह (हाल सामान्य सचिव) टेरामक्स घोटालामा तानिएका छन् । उक्त खरिदमा संलग्न नेपाल दूरसञ्चार प्राधिकरणका अध्यक्ष द्वय दिगम्बर झा र पुरुषोत्तम खनालले अख्तियार पुगेर बयान दिइसकेका छन् । त्यस्तै कानुन सचिवको भूमिका निर्वाह गरिसकेका धनराज ज्ञवालीलाई समेत टेरामक्स खरिदमा अख्तियार बयान लिइसकेको छ । ज्ञवाली अहिले अवकाशको जीवन बिताइरहेका छन् । ।
टेरामक्स प्रविधि खरिदमा संलग्न दर्जनौं व्यक्तिलाई अख्तियारले बयान लिएर मुद्दा चलाउने तयारी गरेको छ । टेरामक्स खरिदमा अर्यालमाथि मुद्दा गयो भने बहालवाला मुख्यसचिवमाथि भ्रष्टाचार मुद्दा लाग्ने अर्याल पहिलो व्यक्ति हुनेछन् । बहालवाला सचिव मधुकुमार मरासिनीविरुद्ध भ्रष्टाचार मुद्दा दायर भइसकेकाले र टेकनारायण पाण्डे जेलमा भैसकेकाले सचिव सिंहले भने रेकर्ड ब्रेक गर्ने छैनन् । गुरुङलाई पनि मुद्दा लागेमा कानुनद्वारा स्थापित राष्ट्रिय सूचना आयोगका प्रमुख सूचना आयुक्त गुरुङको हकमा पनि रेकर्ड ब्रेक हुनेछ ।
बहालवाला मन्त्रीको हकमा जेपी गुप्तालगायतले रेकर्ड राखिसकेकाले स्वास्थ्य मन्त्री बस्नेतको पनि रेकर्ड ब्रेक हुने छैन । खरिद प्रकरणमा मुछिएका विजयकुमार रोय, रेवतीराम पन्थ, सुरेश बस्नेत, हिरण्यप्रसाद बस्ताकोटी, अच्युतानन्द मिश्र, सन्दीप अधिकारी, सुरेन्द्रलाल हाडा, कैलाश कार्की, मीनप्रसाद अर्याल, दीपेश आचार्य, अर्जुन घिमिरे, सूर्यप्रसाद लामिछाने, धनराज ज्ञवाली, टीकाप्रसाद उप्रेती, चूडामणि चौलागाईं, हेमकुमार श्रेष्ठ, राममणि दुवाडी, टेकनाथ आचार्यलगायतसँग अख्तियारले दुई चरणको बयान लिएर प्रमाण जुटाइसकेको छ । ३ अर्बको सामान खरिद गर्दा करिब डेढ अर्ब घोटाला भएको उजुरीमा अख्तियारले अनुसन्धान गरेको थियो ।
उता संसदको लेखा समितिले पनि ५० करोड घोटाला भएको अनुमानसहित थप अनुसन्धान गर्न अख्तियारलाई आग्रह गरेको थियो । अख्तियारले गत मंसिरमै अनुसन्धान सकाएको भएपनि समितिमा विषय प्रवेश भएपछि रोकिएको थियो । अख्तियारले मुद्दा लैजाँदै गर्दा राजनीतिक नेतृत्व जोगिनसक्ने हो कि भन्दै एकथरीले आशंका गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराजनीतिमा पूर्वराष्ट्रपति भण्डारीको सम्भावना कति ?
बैशाख १९, २०८१ बुधबार
सर्वोच्चको आदेशपछि बहुमतमा कन्फ्युज हुन थाले राजनीतिक दल, ५० हो कि ५१ ?
बैशाख १९, २०८१ बुधबार
लगानी सम्मेलन कि विदेशीले नपत्याएको भेला ?
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
नबिल बैंकबाट चोरिएको रकमसहित भारतको मोतीहारीबाट ३ जना पक्राउ
बैशाख २०, २०८१ बिहिबार
भाजपाले दिल्लीमा जनमत पार्टीलाई स्वागत गर्दा जसपा र लोसपालाई किन बोलाइएन ?
बैशाख २०, २०८१ बिहिबार
वेस्ट इन्डिज ए सँग नेपालको लगातार तेस्रो हार
बैशाख २०, २०८१ बिहिबार
कस्तो छ आजको मौसम ?
बैशाख २१, २०८१ शुक्रबार
विदेशी मुद्राको विनिमय दर : आज कतिमा हुँदैछ कारोबार ?
बैशाख २१, २०८१ शुक्रबार
सर्लाहीमा आगलागीः एउटै गाउँको ६५ भन्दा बढी घर जले
बैशाख २०, २०८१ बिहिबार
सरकारले ब्यान्डविथको भुक्तानी नतिरेका कारण भारतबाटै इन्टरनेट सेवा प्रभावित
बैशाख २०, २०८१ बिहिबार
खराब कर्जाले बैंकिङ क्षेत्र प्रभावित हुँदा सिटिजन्स बैंक भने खराब कर्जा घटाउन सफल
बैशाख २०, २०८१ बिहिबार