हाजिरी जमानीमा छाडिए ४९ जना लघुवित्त पीडित

१७ फागुन, काठमाडौं । प्रहरीले लघु वित्त पीडितहरुलाई हाजिर जमानीमा छाडेको छ । संसद भवन परिसर छिरेर प्रदर्शन गरेको आरोपमा उनीहरुलाई समातिएको थियो । ती लघु वित्त ऋणीहरूलाई आज प्रहरीले छाडेको हो । 

काठमाडौं प्रहरी परिसरले मंगलबार पक्राउ परेका सबै ४९ जनालाई हाजिरी जमानीमा छाडेको जानकारी दिएको छ । तीन दिनअघि संसद बैठक चलिरहेका बेला लघुवित्तले आफूहरूलाई पीडित बनाएको दाबी गर्ने समूह प्रहरीलाई ठेल्दै भवनभित्रै प्रवेश गरेका थिए । सुरक्षामा लापरबाही गरेको भन्दै संसद भवन सुरक्षार्थ खटाइएको प्रहरी युनिट परिवर्तन गरिएको थियो ।