स्याङ्जाको भुम्रेमा गरिमा विकास बैंकको एक्सटेन्सन काउण्टर

२३ फागुन, स्याङजा । गरिमा विकास बैंक लिमिटेडले स्याङ्जा जिल्लाको वालिङ नगरपालिका वडा नं. ९ स्थित भुम्रेमा एक्स्टेन्सन काउण्टर स्थापना गरी उक्त एक्स्टेन्सन काउण्टरबाट आजदेखि कारोबार शुभारम्भ गरेको छ ।

सो एक्स्टेन्सन काउण्टरबाट ग्राहकहरूले खाता खोल्न, नगद जम्मा गर्न, नगद झिक्न, रेमिट्यान्स मार्फत रकम पठाउन र प्राप्त गर्न लगायतका बैंकिङ सेवासुविधाहरु प्राप्त गर्न सक्नेछन् । 

काठमाडौंको लाजिम्पाटमा केन्द्रीय कार्यालय रहेको गरिमा विकास बैंक लिमिटेडको काठमाडौं उपत्यकाभित्र २२ सहित देशभर १२३ शाखा कार्यालय, १ एक्स्टेन्सन काउण्टर र ५१ वटा ATM मार्फत सेवाग्राहीहरुलाई सेवा प्रदान गर्दै आइरहेको छ ।