शाइन रेसुङ्गाको नाफासँगै वितरणयोग्य मुनाफा पनि घट्यो, खराब कर्जा दोब्बर

२४ फागुन, काठमाडौं । शाइन रेसुङ्गा डेभलपमेन्ट बैंकको चालु आर्थिक वर्ष ०८०/८१ को वित्तीय विवरण अनुसार नाफा १३ दशमलव ६१ प्रतिशतले घटेको छ । त्यस्तै कम्पनीको वितरण योग्य मुनाफा पनि ४० दशमलव २४ प्रतिशतले घटेको छ । त्यस्तै बैंकको खराब कर्जा दोब्बरले वृद्धि भएको छ । 

विगतका वर्षहरूमा आकर्षक लाभांश दिएको यस बैंकले यस वर्ष भने पहिलाका वर्षहरूको तुलनामा निकै कम लाभांश दिएको छ ।  

बैंक संचालक समितिको अध्यक्षमा थानेश्वर पौडेल रहेका छन् । बैंकको संचालक समितिका अन्य सदस्यमा डा. तारा प्रसाद उपाध्याय, ई. सुरज उप्रेती, मोहन चापागाई, वीरेन्द्र विष्ट, नम्रता भण्डारी र गोपाल प्रसाद पाण्डे रहेका छन् । त्यस्तै बैंकको उच्च व्यवस्थापनमा सीईओे  प्रकाश पौडेलदेखि डेपुटी सीईओमा लोक राज पनेरु रहेका छन् ।

कस्तो आयो आर्थिक वर्ष २०८०/८१ को दोस्रो त्रैमासको वित्तीय प्रतिवेदनः
खुद मुनाफाः
चालू आर्थिक वर्षको दोस्रो त्रैमास अर्थात् ६ महिनाको अवधिमा बैंकले ३७ करोड १२ लाख बराबर खुद मुनाफा गरेकोमा गत आर्थिक वर्षको दोस्रो त्रैमाससम्ममा बैंकले ४२ करोड ९६ लाख बराबर खुद मुनाफा गरेको थियो । यसरी खुद मुनाफामा १३ दशमलव ६१ प्रतिशतको गिरावट भएको छ ।

खुद ब्याज आम्दानी र संचालन मुनाफाः
गत आर्थिक वर्षको दोस्रो त्रैमासमा कम्पनीले १ अर्ब ५ करोड बराबर खुद ब्याज आम्दानी गरेकोमा चालू आर्थिक वर्षको दोस्रो त्रैमाससम्म कम्पनीले १ अर्ब ४ करोड खुद ब्याज आम्दानी गरेको छ । यसरी खुद ब्याज आम्दानीमा १ दशमलव २५ प्रतिशतको गिरावट भएको छ । त्यस्तै, संचालन मुनाफा ४ दशमलव शून्य ३ प्रतिशतले गिरावट हुँदै ५९ करोड ३० लाख पुगेको छ । गत वर्षको दोस्रो त्रैमासमा कम्पनीले ६१ करोड ७९ लाख संचालन मुनाफा गरेको थियो ।
प्रतिशेयर आम्दानी:
कम्पनीको वार्षिक प्रतिशेयर आम्दानी १५ रुपैयाँ ६८ पैसा हुन आउँछ । एक वर्ष अघि प्रतिशेयर आम्दानी २० रुपैयाँ शून्य ६ पैसा थियो । 
वितरण योग्य मुनाफा:
कम्पनीको वितरण योग्य मुनाफा जम्मा ६ करोड ७४ लाख रहेको छ । गत आर्थिक वर्ष वितरण योग्य मुनाफा ११ करोड २८ लाख थियो । कम्पनीको प्रतिशेयर वितरण योग्य मुनाफा जम्मा २ रुपैयाँ ८५ पैसा रहेको छ । गत आर्थिक वर्ष प्रतिशेयर वितरणयोग्य मुनाफा ५ रुपैयाँ २७ पैसा थियो ।
निक्षेप, कर्जाः
कम्पनीले चालू आर्थिक वर्षको दोस्रो त्रैमाससम्म ६० अर्ब ६२ करोड निक्षेप संकलन गरी ५० अर्ब ४१ करोड कर्जा प्रवाह गरेको छ । आर्थिक वर्ष ०७९/८० को असार मसान्त र अहिलेको तथ्याङ्कलाई दाँजेर हेर्दा कम्पनीको निक्षेप संकलन ८ दशमलव ८७ प्रतिशतले बढेको छ भने कर्जा प्रवाह पनि १५ दशमलव २५ प्रतिशतले बढेको छ ।

जगेडा कोष, संचित मुनाफाः
जगेडा कोष २४ दशमलव ६४ प्रतिशतले बढेर १ अर्ब ७६ करोड पुगेको छ भने संचित मुनाफा ६ करोड ७४ लाख रुपैयाँ रहेको छ ।
किताबी मूल्य:
कम्पनीको किताबी मूल्य (प्रतिशेयर नेट्वर्थ) १३८ रुपैयाँ ६८ पैसा छ ।
निष्क्रिय कर्जाः
कम्पनीको खराब कर्जा २ दशमलव ६२ प्रतिशत रहेको छ । गत आर्थिक वर्षको दोस्रो त्रैमासमा खराब कर्जा १ दशमलव ३१ प्रतिशत थियो ।

आधार ब्याजदर, स्प्रेडदरः
बैंकको आधार ब्याजदर केही घट्दै १० दशमलव ३० प्रतिशत पुगेको छ । स्प्रेडदर ४ दशमलव ६० प्रतिशत छ । गत आर्थिक वर्ष सोही अवधिमा स्प्रेडदर ४ दशमलव ९० प्रतिशत थियो ।
ठुला शेयरधनीः
आर्थिक वर्ष ०७९/८० को वार्षिक प्रतिवेदन अनुसार कम्पनीको सबैभन्दा ठुलो शेयरधनीमा थानेश्वर पौडेल रहेका छन् । बैंकमा उनको २ दशमलव २८ प्रतिशत शेयर स्वामित्व रहेको छ ।

लाभांश इतिहासः
आर्थिक वर्ष ०७९/८० मा कम्पनीले १० दशमलव ५ प्रतिशत बोनस र शून्य दशमलव ५५ प्रतिशत नगद लाभांश दिएको थियो । कम्पनीले आर्थिक वर्ष २०७८/७९ मा १३ दशमलव ३० प्रतिशत बोनस र शून्य दशमलव ७० प्रतिशत नगद लाभांश दिएको थियो ।