सरकारद्वारा थप २ हजार ६७४ जनालाई शहीद घोषणा

२५ फागुन, काठमाडौं । सरकारले दुई हजार ५७४ जनालाई शहीद घोषणा गरेको छ । गत पुस २४ गतेको मन्त्रिपरिषद्को निर्णयबमोजिम शहीदहदहरूको विवरण राजपत्रमा प्रकाशन गरिएको छ ।

नेपालको राष्ट्रहित, लोकतन्त्र र अग्रगामी परिवर्तनका लागि भएका विभिन्न आन्दोलन, सशस्त्र संघर्ष र क्रान्तिका क्रममा सहादत प्राप्त गर्ने देहायका २,६७४ जना व्यक्तिहरूलाई सम्मानस्वरूप नेपाल सरकारले मिति २०८०।९।२४ मा शहीद घोषणा गर्ने निर्णय गरेको थियो । 

विभिन्न मितिमा शहीद घोषणा भई विवरण अपूर्ण भएका कारण राजपत्रमा प्रकाशन हुन बाँकी २५९ जनाको शहीदहदहरूको विवरण नेपाल राजपत्रमा प्रकाशन गर्ने निर्णय पनि भएको थियो ।

विभिन्न मितिमा शहीद घोषणा भएका १०१२ जना शहीदहरूको विवरण संशोधन गर्ने निर्णय पनि भएको थियो । सोही दिनमा विभिन्न मितिमा शहीद घोषणा भएका १५२ जना सहिदहरूको विवरण संशोधन गर्ने निर्णय पनि भएको मन्त्रिपरिषदले गरेको थियो ।

राजपत्रमा प्रकाशन हुन बाँकी ३ जनाको शहीदहरूको विवरण राजपत्रमा प्रकाशन गर्ने र विभिन्न आन्दोलन, सशस्त्र संघर्ष र क्रान्तिका क्रममा जीवन उत्सर्ग गरेका तर शहीद घोषणा हुन बाँकी अरु ७५ जनालाई शहिद घोषणा गर्ने निर्णय भएको प्रधानमन्त्री तथा मन्त्रिपरिषदको कार्यालयले सार्वजनिक गरेको निर्णय विवरणमा उल्लेख छ ।