जीप दुर्घटना अपडेट: मृतक ८ जनाकै पहिचान खुल्यो

१ चैत, उदयपुर।  बिहीबार बिहान भोजपुर र उदयपुर जोड्न चुवार पुल नजिकै भएको भएको जीप दुर्घटनामा मृत्यु भएका ८ जनाकै पहिचान खुलेको छ । धरानबाट भोजपुरको हतुवागढीका लागि छुटेको को. १ ज २५९३ नम्बरको जीप आज बिहान साढे ११ बजेतिर उदयपुरको बेलका–७ बाखाकुवामा दुर्घटना भएको थियो ।

६ महिने शिशुसहित ७ जनाको घटनास्थलमै र उपचारको क्रममा थप एक जनाको मृत्यु भएको प्रहरीले जनाएको छ । ९ जना घाइते भएका छन् । मृतक अधिकांश भोजपुर हतुवागढी गाउँपालिकाका छन् ।  उनीहरूलाई उपचारका लागि धरान लगिएको छ ।

प्रहरीका घटनास्थलमै हतुवागढी गाउँपालिका–२ का चालक मान बहादुर बस्नेत, हतुवागढी–२ का चन्द्रप्रकाश राइ, हतुवागढी –५ कि रामकुमारी राई (ममता), पदमबहादुर थापा– बराहक्षेत्र– ३, दिशान राई– हतुवागढी–२, कमला अधिकारी इटहरी, पर्वतमाया राई–हतुवागढी– २, बीपी स्वास्थ्य प्रतिष्ठानमा मृत्यु भएका किसन राई –हतुवागढी–५ को मृत्यु भएको छ । 

घाइतेहरूमा विशेष पराजुली कानेपोखरी, सावित्रा राई, मिनु राई, शान्तिकला राई, सविना परियार, गायत्री थापा कटुवाल, सुशील परियार,कुलबुङ्ग राई र निकिता कटुवाल छन् ।