एउटै मुद्दामा दिपेश पुनलाई पक्राउ गर्ने, गृहमन्त्री लामिछानेलाई किन नगर्नेः कांग्रेस
नेपालबहस संवाददाता
चैत ६, २०८० मंगलबार १३:१:५
६ चैत, काठमाडौं । नेपाली कांग्रेसले सहकारी ठगीको एउटै विषयमा दीपेश पुनलाई पक्राउ गर्न मिल्ने तर, गृहमन्त्री रवि लामिछानेलाई किन नमिल्ने भन्दै प्रश्न गरेको छ । दीपेश पुनलाई पक्राउ गर्दा सोही विषयमा दोषी भनिएका गृहमन्त्री रवि लामिछानेका विषयमा किन नमिल्ने भन्ने कांग्रेसको प्रश्न छ ।
मंगलबारको प्रतिनिधिसभा बैठकमा कांग्रेस संसद दीपक गिरीले सहकारी ठगीको सन्दर्भमा आरोपित दीपेश पुन पक्राउ पर्दा रवि लामिछाने किन नभएको भनी प्रश्न गरेका हुन् । उनले पोखराको सूर्यदर्शन सहकारीको रकम अपचलन गरेको आरोपमा दीपेश पुनसँगै राष्ट्रिय स्वतन्त्र पार्टी (रास्वपा)का सभापति समेत रहेका गृहमन्त्री लामिछानेविरुद्ध समेत उजुरी परेको स्मरण गराए ।
उजुरी परेका मध्ये पुन पक्राउ परेको तर लामिछाने गृहमन्त्रीमा बहाल रहेको भन्दै उनले प्रश्न उठाएका हुन् । उनले भनेका छन्, ‘पोखराको सूर्यदशर्न सहकारी पीडितहरुको पक्षबाट बोल्न चाहन्छु । बचतकर्ताले राष्ट्रिय स्वतन्त्र पार्टीका सभापति रवि लामिछाने र दीपेश पुन विरुद्ध उजुरी दिएका थिए । दीपेश पुन गिरफ्तार भए । तर, रवि लामिछानेले गृहमन्त्रीजी अझै ठूलो पद पाउनुभएको छ । जो अनुसन्धानमा हुनुपर्ने हो उहाँ गृहमन्त्री हुनुहुन्छ । तसर्थ, हामी उहाँको राजीनामा माग गर्दछौं ।’
लामिछाने जसरी पनि गृहमन्त्रालय चाहिन्छ भनेर सरकारमा गएको उल्लेख गर्दै उनले स्वार्थ बाझिने मन्त्रालयमा लामिछानेलाई किन नियुक्त गरेको हो भनी प्रधानमन्त्री प्रचण्डले जवाफ दिनुपर्ने उनले बताए । गृहमन्त्रीको नियुक्तिका सम्बन्धमा यसअघि पनि कांग्रेस सांसदहरूले प्रधानमन्त्रीको जवाफ माग्दै आएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबझाङः एमाले ९८८९, कांग्रेस ९८८०, माओवादी ३६६३, एस २४०५ मत
बैशाख १७, २०८१ सोमबार
इलामः एमाले १०,४१९, कांग्रेस ७,०६२, स्वतन्त्र ५,७६१ र रास्वपा १४४३ मत
बैशाख १७, २०८१ सोमबार
वर्तमान निर्वाचन प्रणाली रहेसम्म देशमा विकास सम्भव छैन : नेता कोइराला
बैशाख १६, २०८१ आइतबार
बझाङको मतगणना १ बजेदेखि जिल्ला अदालत चैनपुरमा शुरु हुने
बैशाख १६, २०८१ आइतबार
इलाम: कांग्रेस, १६४३, एमाले १६०१, स्वतन्त्र ४३७ र रास्वपाः ३०५ मत
बैशाख १६, २०८१ आइतबार
सुनको मूल्य चार सयले घट्यो, प्रतितोला कति ?
बैशाख १७, २०८१ सोमबार
प्रि-ओपन सेसनमा नेप्से १० अंकले बढ्यो
बैशाख १७, २०८१ सोमबार
सेनाको प्राविधिक सहयोगमा किन्ताङफेदीमा बेली ब्रिज निर्माण
बैशाख १७, २०८१ सोमबार
बाजुरामा रेबिजविरुद्धको खोप अभाव
बैशाख १७, २०८१ सोमबार
नारायणी नदीमा तटबन्ध निर्माण गरिँदै
बैशाख १७, २०८१ सोमबार
घण्टाघर सडक किनारामा ढकमक्क फुलेका ज्याकाराण्डा
बैशाख १७, २०८१ सोमबार