पश्चिमाञ्चल क्षेत्रीय अस्पतालमा सफल मिर्गौला प्रत्यारोपण
नेपालबहस संवाददाता
चैत ९, २०८० शुक्रबार १२:२२:१३
९ चैत, कास्की । पोखराको पश्चिमाञ्चल क्षेत्रीय अस्पतालमा सफल मिर्गौला प्रत्यारोपण गरिएको छ । अस्पतालको आफ्नै जनशक्तिबाट पहिलो पटक तनहुँको व्यास नगरपालिका–१० की ३५ वर्षीया सम्झना गुरुङको सफल मिर्गौला प्रत्यारोपण गरिएको हो ।
गुरुङलाई लमजुङ सुन्दरबजार नगरपालिका बस्ने बहिनी सुमिना गुरुङले मिर्गौला दान गरेका थिए । पोखरा स्वास्थ्य विज्ञान प्रतिष्ठानअन्तर्गत रहेको उक्त अस्पतालमा प्रत्यारोपण सेवा सुरु भएको २० महिनापछि आत्मनिर्भर बनेको अस्पतालका सूचना अधिकारी सुमन भट्टराईले जानकारी दिए । यसअघि विसं २०७९ असारमा पहिलोपटक सहिद धर्मभक्त राष्ट्रिय प्रत्यारोपण केन्द्रका चिकित्सक तथा स्वास्थ्यकर्मीको टोलीले प्रत्यारोपण गरेको थियो ।
पोखरामा प्रत्यारोपणका लागि केन्द्रले सहयोग गर्दै आएकामा पछिल्लो पटक अस्पतालको चिकित्सकको टोलीले सो कार्य गर्न सफल भएका भट्टराईले बताए । बिहीबार अस्पतालका युरो सर्जनद्वय डा प्रकाश क्षेत्री र डा. अनुप चापागाईं, नेफ्रोलोष्टि डा जुजुराम श्रेष्ठ र डा. अमृत केसी, जनरल सर्जन डा डेभिड श्रेष्ठ, एनेस्थेसिया विभागका चिकित्सक र नर्सिङका स्वास्थ्यकर्मीसहितको टोलीले बिहानदेखि साँझसम्म लगाएर सफलतापूर्वक प्रत्यारोपण गरेका सूचना अधिकारी भट्टराईले जानकारी दिए ।
मिर्गौला प्रत्यारोपणपछि दाता र ग्रहणकर्ता केही दिन अस्पतालमा नै बस्नुपर्ने भन्दै केही समय दुवैको नियमित स्वास्थ्य परीक्षण गर्नुपर्ने प्रतिष्ठानका निर्देशक प्रा डा भरतबहादुर खत्रीले बताए । यसअघि अस्पतालमा आठ वटा प्रत्यारोपण भइसकेका बताउँदै बिहीबार नवौँ प्रत्यारोपण आफ्नै जनशक्तिबाट गरिएको उनले जानकारी दिए।
लामो समयको तालिम र अनुभवपछि यहाँकै जनशक्ति प्रत्यारोपण गर्न सफल भएपछि निर्देशक डा खत्रीले खुसी व्यक्त गरे । उनले भने, “हामी सुरुआतदेखि नै यहीँको जनशक्तिलाई सक्षम बनाउने गरी लागेको थियौँ । विगतमा काठमाडौँ र पोखराका चिकित्सकबाट संयुक्तरुपमा प्रत्यारोपणमा सहयोग हुँदै आएको थियो । करिब २० महिनापछि हामी आफैँ प्रत्यारोपण गर्न सफल भएका छौँ ।” अस्पतालकै जनशक्तिबाट सो कार्य सम्भव भएपछि प्रत्यारोपणका लागि पालो पर्खनुपर्ने अवस्था कम हुँदै जाने उनको भनाइ छ ।
मानव अङ्ग प्रत्यारोपण केन्द्रका चिकित्सकको प्रत्यक्ष निगरानी, अनुभव तथा तालिम दिएको अस्पताका सूचना अधिकारी भट्टराईले बताए । उहाँका अनुसार यहाँ मिर्गौला प्रत्यारोपण गर्दा बिरामीले रू चार लाखसम्म सहुलियत पाउने गरेका छन् ।
‘विपन्न नागरिकको औषधि उपचार कार्यक्रम’अन्तर्गत अस्पताल सूचीकृत भएसँगै यहाँ प्रत्यारोपण गर्नेले उक्त सहयोग प्राप्त गर्ने अस्पताल प्रशासनले जनाएको छ । पछिल्लो समय पश्चिमाञ्चल क्षेत्रीय अस्पतालमा डायलासिसका बिरामीको चाप ठूलो हुँदै आएको छ । यहाँ १८ वटा मेसिनबाट दैनिक तीन सिफ्टमा डायलासिस सेवा प्रदान गरिँदै आइएको सूचना अधिकारी भट्टराईले जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपचिकित्सक अभावले हेटौँडा अस्पतालमा थन्किए उपकरण
बैशाख १२, २०८१ बुधबार
स्वास्थ्यमन्त्री यादवले एक तह मुनिका प्रमोदलाई बनाए राष्ट्रिय ट्रमा सेन्टरको मेसु
बैशाख ७, २०८१ शुक्रबार
दमौली अस्पतालमा १२ घण्टा ओपीडी सेवा सञ्चालन गर्ने
बैशाख ६, २०८१ बिहिबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
नेपालगञ्ज मेडिकल कलेजको शेयर संरचना परिवर्तन, अध्यक्षमा व्यवसायी खुमा अर्याल सर्वसम्मत
बैशाख १९, २०८१ बुधबार
बुधबारदेखि ठोरी छोटी भन्सार पुनः सञ्चालनमा
बैशाख २०, २०८१ बिहिबार
आयोगले राष्ट्रपतिलाई बुझायो इलाम र बझाङमा भएको उपनिर्वाचनको प्रतिवेदन
बैशाख २०, २०८१ बिहिबार
स्पा तथा वेलनेस सेवामा जनशक्ति अभाव, माग धान्न हम्मेहम्मे
बैशाख २०, २०८१ बिहिबार
नेपाललाई पहिलो सफलता, प्रतिसले लिए विकेट
बैशाख २०, २०८१ बिहिबार
सूचना प्रविधि क्षेत्रका प्रगति र चुनौती
बैशाख २०, २०८१ बिहिबार
बालगौरी पाथीभरा मन्दिर
बैशाख २०, २०८१ बिहिबार