प्रहरीलाई कारवाही, सहसचिवलाई चीन भ्रमणको पुरस्कार !
कुसुम सेञ्चुरी
चैत २१, २०८० बुधबार ११:५०:३५
२१ चैत, काठमाडौं । निरीह बनाइएका नेपाल प्रहरीका कर्मचारीलाई कारवाही गर्न तम्सेका गृहमन्त्री रवि लामछिानेका सहसचिव झलकराम अधिकारीले शक्तिकेन्द्रको ‘शक्ति’देखाउँदै चीन भ्रमणमा पुगेका छन् । सुनको अवैध पैठारी तथा तस्करी छानविन गर्न बनेको आयोगले अधिकारीलाई कारवाही गर्न सिफारिस गरेको भएपनि उपप्रधानमन्त्री तथा परराष्ट्रमन्त्री नारायणकाजी श्रेष्ठको बलमा उनी चीन भ्रमणमा पुगेका हुन् ।
सुन तस्करीका नाइकेको रुपमा रहेका दाबा छिरिङसँगको सम्पर्कमा आधारमा उनलाई कारवाहीको सिफारिस भएको थियो । उच्च अदालतका पूर्वन्यायाधीश डिल्लीराम आचार्य नेतृत्वको सुन तस्करी सम्बन्धी जाँचबुझ आयोगले अधिकारीमाथि अनुसन्धान गर्न सिफारिस गरेको भएपनि उनलाई अर्का उपप्रधानमन्त्री श्रेष्ठको संरक्षणमा चीन भ्रमणमा पठाइएको हो । गृहमन्त्री रवि लामिछाने नै अध्यागमन विभागका तत्कालीन महानिर्देशक अधिकारी सुन तस्करीका नाइके दाबासँग कनेक्सनमा रहेको प्रमाण बोकेर बसेका थिए । तर उनी सचिव बढुवाको तालिम लिएर अवलोकन भ्रमणका लागि चीन पुगेका हुन् ।
‘उनलाई बढुवाको लाइनमा राखिएको, जबकि अनुसन्धानमा संलग्न प्रहरीलाई भने कारवाही भन्दै सरुवा र बढुवामा दाग लगाइएको छ’, गृह मन्त्रालय स्रोतले भन्यो । नेपाल प्रशासनिक प्रशिक्षण प्रतिष्ठानका वरिष्ठ निर्देशक विनोदकुमार विष्टको नेतृत्वमा शुक्रबार नै २६ जनाको टोली बेइजिङ प्रस्थान गरेको हो । अधिकारीसहित २३ जना सहसचिवको टोली चीनको सार्वजनिक प्रशासनबारे जानकारी लिने उद्देश्यले बेइजिङ पुगेको हो । सचिवमा बढुवा हुनका लागि चाहिने एसइडीपी (सिनियर एक्जुकेटिभ डेभलपमेन्ट प्रोग्राम) तालिममा लिएका सहसचिवहरू बेइजिङ पुगेका छन् । भारतलगायत मुलुकमा उक्त तालिममा सहभागी हुने सहसचिवहरूलाई अवलोकन भ्रमण गराइए पनि चीनमा भने पहिलोपटक लगिएको हो ।
विमानस्थलबाट हुने सुन तस्करीमा संलग्न रहेको आरोपमा सहसचिव अधिकारीलाई आयोगले बयान लिएर छाडेको थियो । उनी अध्यागमन विभागमा हुँदा तस्करीमा संलग्न रहको भनिएका बेल्जियन नागरिक दावा छिरिङसँग नजिकको सम्बन्ध राखेको आधारमा उनलाई बयान लिएर कारवाहीको सिफारिस गरिएको हो । उनकै अनुमतिले पानी तान्ने मेसिनमार्फत सुन तस्करी भएको आरोप लागेको छ । अधिकारी अध्यागमन विभागमा हुँदा बेल्जियन नागरिक दावा छिरिङले ह्वाटसएप मार्फत पानी तान्ने मेसिनको तस्वीर पठाउने गरेको त्यसलाई छाड्न अधिकारीले सहयोग गरेका थिए तर उनलाई तत्कालीन गृहमन्त्री नारायणकाजीले बचाएका थिए ।
सो प्रकरण बाहिरिएपछि उनलाई विभागबाट सरुवा गरेर सामान्य प्रशासन मन्त्रालयको अतिरिक्त समूहमा पठाइएको थियो । त्यसपछि नेपाल ट्रष्टको कार्यालय सरुवा गरेर अहिले बढुवाको लाइनमा राखिएको हो । हङकङबाट तस्करी गरेर काठमाडौँ ल्याएको ६० किलो ७ सय ग्राम सुन प्रकरणका संलग्न प्रतिवादी दावासँग अधिकारीले ह्वाट्स एपमा शंकास्पद कुराकानी गरेको मात्र होइन उनले तस्करीलाई सहजीकरण गरेको समेत सीआईबीका अधिकारीहरुले बताएका थिए । सुन आयोगले पनि उनलाई कारवाहीको सिफारिस गरेको थियो । परराष्ट्र मन्त्री श्रेष्ठका निकै नजिक मानिएका अधिकारी अहिले चीनको अध्ययन अवलोकन भ्रमणमा रहेका छन् ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपराजनीतिमा पूर्वराष्ट्रपति भण्डारीको सम्भावना कति ?
बैशाख १९, २०८१ बुधबार
सर्वोच्चको आदेशपछि बहुमतमा कन्फ्युज हुन थाले राजनीतिक दल, ५० हो कि ५१ ?
बैशाख १९, २०८१ बुधबार
लगानी सम्मेलन कि विदेशीले नपत्याएको भेला ?
बैशाख १८, २०८१ मंगलबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
नेपालगञ्ज मेडिकल कलेजको शेयर संरचना परिवर्तन, अध्यक्षमा व्यवसायी खुमा अर्याल सर्वसम्मत
बैशाख १९, २०८१ बुधबार
जीबी राईको हत्या भएको भन्दै प्रचार गर्ने डिल्लीराम खनाल पक्राउ
बैशाख १९, २०८१ बुधबार
भावुक स्टाटस लेख्दै सन्दीप लामिछानेले भने- 'म षड्यन्त्रको सिकार भएँ'
बैशाख १९, २०८१ बुधबार
डढेलो निभाउने क्रममा मृत्यु भएकाका परिवारलाई आर्थिक सहयोग
बैशाख १९, २०८१ बुधबार
श्रमिकको कथामा चलचित्र ‘लेबर’ बन्ने घोषणा
बैशाख १९, २०८१ बुधबार
पोखरामा डढेलोले मौसम धुम्मिदा उडान अनियमित, पर्यटक आगमन ठप्प !
बैशाख १९, २०८१ बुधबार
नेपालको पत्रकारिता क्षेत्र लोकतन्त्रको जग : मुख्यमन्त्री कार्की
बैशाख १९, २०८१ बुधबार