सनी देओलको ‘बोर्डर २’ को पहिलो फिल्मको सिक्वेल नभएको खुलासा

 २४ चैत, मुम्बइ । सन्नी देओलको फिल्म ‘बोर्डर २’ को बारेमा एउटा ठूलो अपडेट आएको छ ।  ई टाइम्सको रिपोर्ट अनुसार यो फिल्म ‘बोर्डर १’ को सिक्वेल हुने छैन् ।

टाइम्सले स्रोतलाई उद्धृत गर्दै भनेको छ कि यो युद्ध त्यही रातको कथा हुनेछ। त्यो रात लङ्गेवालाको युद्धमा सेनाले मात्र होइन, नौसेना र वायुसेनाले पनि लडेको थियो। जुन कथा ‘बोर्डर–२’ मा देखाइनेछ।

गद्दर २ सुपरडुपर हिट भए पछि सन्नी देओलको माग बढेको छ । सोही माग अनुसार उनले यसअघि अभिनय गरेको बोर्डरको सिक्ववेल बनाउने घोषणा गरिएको थियो ।

तर, नाम बोर्डर २ भनिए पनि नयाँ कथामा यो फिल्मको सुटिङ हुनेछ । जुन अलग युद्द कथामा आधारित रहेको छ । यो पनि भनिएको छ कि बोर्डर २ भारतीय सिनेमा उधोगको सबैभन्दा ठुलो युद्दकथा हो । तर, यो फिल्मको औपचारिक घोषणा भने अझै गरिएको छैन । निर्माण पक्षले यतिखेर आन्तरिक तयारी गरिरहेको छ ।