एनवाईएफ वीरगन्जलाई पर्साका पत्रकारले हराए

५ वैशाख, वीरगन्ज । नेपाल राष्ट्र बैंक लिमिटेडको ६९ औं वार्षिक उत्सवको अवसरमा आयोजित टि -१० क्रिकेट लिग प्रतियोगितामा नेपाल पत्रकार महासंघ पर्साले एनवाईएफ वीरगन्जलाई हराएको छ । 

टि -१० क्रिकेट लिग प्रतियोगिता अन्तर्गत बुधबार भएको दोस्रो खेलमा नेपाल पत्रकार महासंघ पर्साले एनवाईएफ वीरगन्जलाई १६ रनले हराएको हो । 

वीरगन्जको आदर्शनगर खेल मैदानमा भएको खेलमा ७८ रनको लक्ष्य पाएको एनवाईएफ वीरगन्जले १० ओभरमा ९ विकेटको क्षतिमा ६१ रन मात्र बनाएपछि नेपाल पत्रकार महासंघ पर्साले जित निकालेको हो । 

यसअघि खेलमा पहिले ब्याटिङ गरेको नेपाल पत्रकार महासंघ पर्साले १० ओभरमा ५ विकेटको क्षतिमा ७७ रन बनाएको थियो । बुधबार बिहान नै भएको पहिलो खेलमा नेपाल मेडिकल एसोसिएसन पर्साले वीरगन्ज बैंकर्स ग्रुपलाई हराएको छ । 
  
खेलमा ७८ रनको लक्ष्य पाएको बैंकर्स ग्रुपले १० ओभरमा ८ विकेटको क्षतिमा ६७ रन मात्र बनाएपछि नेपाल मेडिकल एसोसिएसन पर्साले १० रनले जितेको हो । 

यो जित संगै नेपाल मेडिकल एसोसिएसन पर्साले फाइनलमा प्रवेश गरेको नेपाल राष्ट्र बैंक वीरगन्ज कार्यालयका सहायक निर्देशक नरेश कुमार सरार्फले जानकारी दिए । 

प्रतियोगितामा आयोजक नेपाल राष्ट्र बैंक , नेपाल पत्रकार महासंघ पर्सा , वीरगन्ज बैंकर्स ग्रुप , नेपाल मेडिकल एसोसिएसन पर्सा ,वीरगन्ज महानगरपालिका कार्यालय र एनवाईएफ वीरगन्ज सहभागी भएका थिए ।