पर्यटकीय सिजन सुरु भएसँगै नेपाल आउने पर्यटक बढे ( फोटोफिचर )

१८ वैशाख, काठमाडौं । पर्वतीय पर्यटनका लागि उपयुक्त सिजन सुरू भएसँगै बाह्य पर्यटक ह्वात्तै बढेको छ । नेपाल पर्यटन बोर्डका अनुसार सन् २०२४ को मार्चमा एक लाख २८ हजार १६७ विदेशी पर्यटक नेपाल आएका छन् ।

यो सन् २०२३ को तुलनामा ३० प्रतिशत र सन् २०१९ को तुलनामा १ प्रतिशतले बढी हो । नेपालमा हालसम्म सबैभन्दा धेरै सन् २०१९ मा ११ लाख १९ हजार १९१ जना पर्यटक भित्रिएका थिए। त्यसयता कोभिडका कारण सन् २०२० मा दुई लाख ३० हजार र सन् २०२१ मा डेढ लाख पर्यटक भित्रिएका थिए।

कोभिड पछि सन् २०२२ मा भने ६ लाख १४ हजार ८६९ पर्यटक भित्रिएका थिए। पर्यटकका लागि उपयुक्त मानिने बसन्त ऋतुमा हिमाल आरोहणसँगै ट्रेकिङ र ट्राभलका लागि नेपाल आउँछन्। तस्वीर:  नेपाल फोटो लाइब्रेरी